New Videos from Youtube
Showing posts with label ungal nalam. Show all posts
Showing posts with label ungal nalam. Show all posts

பேன் தொல்லையை ஒழிக்க சில வழிமுறைகள்...

தலையில் பேன் பிடிப்பது, சாதாரன விஷயம், ஆனால் இது பலருக்கு பெரும் பிரச்சனையாகிவிடுகிறது. குறிப்பாக சிறு பிள்ளைகள், மற்றும் இளம்பெண்கள் பேனால் பதிக்கப்பட்டு அவதிப்படுகின்றனர்

இவற்றால் நோய்கள் பரவாவிடிலும், தலையில் அரிப்பு ஏற்பட்டு, ஆங்காங்கே தலையில் கைவைக்கும் நிலைக்கு தள்ளப்படுகிறோம். இதனால் நமது சுய மரியாதை சில இடங்களில் அடி வாங்குகிறது.

சிறு விஷயமானாலும் பெரும் பிரச்சனையாக உருவெடுக்கும் இந்த பேன்கள் குறித்த ஒரு சிறு பார்வை இதோ...

பேன்கள் என்பன, இறக்கைகளற்ற மனிதர்களை சார்ந்து(தலையில்) வாழும் ஒரு வகை ஒட்டுண்ணி. இவற்றின் பிரதான உணவு இரத்தம். கொசுக்களை காட்டிலும் மிகவும் சிறிய அளவு இரத்தமே இவற்றால் உறுஞ்சப்படுகிறது. இது மனிதனின் தலையில் சில வாரங்கள் வரை உயிர்வாழும். மனிதனை தவிற வேறு உயிரிகள் மீது இது ஒட்டி வாழாது. தலையிலிருந்து நீக்கப்பட்ட நிலையில் இது 48 நாட்களுக்குள்ளாக இறந்துவிடும்.

இவற்றால் மனிதர்களுக்கு எந்த வித நோயும் உருவாகாது என்றாலும், இவை தலையில் மேர்பரப்பில் அதிகமாக சுரண்டுவதால் எரிச்சல், மற்றும் சிறிய காயங்கள் ஏற்படலாம்.

பொதுவாக ஒரு ஆரோக்கியமான, சாதாரன நபரது தலையில் 10 முதல் 15 உயிருள்ள பேன்கள் வரை இருக்கலாம். இது, அவரது குளியல் எடுத்துக்கொள்ளும் இடைவெளி, உபயோகிக்கும் ஷாம்பு அல்லது சோப்பு, இவற்றை பொருத்து மாறும். சிறுவர்கள் ஒருவரோடு ஒருவர் விளையாடுவது, மிக விரைவாக அழுக்காவது மற்றும் சீப்பு, தொப்பி போன்றவற்றை பரிமாற்றிக்கொள்வது போன்றவற்றால் சிறுவர்கள் தலைகளில் மிக எளிதாக பேன்கள் உருவாகும்.

இவற்றை அடிக்கடி தலையை சுத்தம் செய்தால் மற்றும் நாம் அன்றாடம் உபயோகிக்கும் தலை துவட்ட பயன்படுத்தும் துண்டு, மெத்தை, தலையனை, தொப்பி போன்றவற்றை அழுக்கு சேராமல் பார்த்து கொள்வதன் மூலம் தவிற்கலாம். இவற்றை கட்டுபடுத்த பிரத்யேக ஷேம்பூ, சோப் மற்றும் எண்ணெய் போன்றவை உள்ளன.

இவற்றை பயன்படுத்துவதன் மூலம் எளிதாக பேன்களை கட்டுப்படுத்தலாம். இவை மனிதரில் வாழ்வதற்காகவே பரிணமித்துள்ளவை. எனவே எவ்வளவு சுத்தமாக இருப்பினும், இவை மிக எளிதாக தலையில் தொற்றக்கூடிய வாய்ப்பும் உள்ளது. குழந்தைகளுக்கு பேன்கள் எளிதில் பரவும் என்பதால், குழந்தைகளுக்கு இது குறித்த விழிப்புணர்வை ஏற்படுத்துவதுடன், தொப்பி, உடைகள் போன்றவற்றை மற்றவர்களுடன் பகிர்ந்து கொள்வதை தவிற்குமாறு அறிவுறுத்த வேண்டும்.
இவ்வாறு அவர் கூறினார்.

உடல் எடையை அதிகரிக்க வேண்டுமா? உங்களுக்கான சூப்பர் உணவுகள்

உடல் எடையை குறைக்க ஓடிக் கொண்டிருப்பவர்கள் மத்தியில், உடல் எடையை அதிகரிக்க வேண்டுமே என்று புலம்புவர்களும் அதிகம்.

நம் தினசரி உணவு பழக்க வழக்கங்களின் மூலம் மிக எளிதாக உடல் எடையை அதிகரிக்கலாம்.

கேரட், பீட்ரூட்

கேரட்டில் வைட்டமின் ஏ மற்றும் சி நிறைந்து காணப்படுகின்றது, மாதுளையிலும் உடலுக்கு தேவையான சத்துக்கள் அதிகம் உள்ளன.

பாலுடன் கேரட் அல்லது பீட்ரூட் ஜூஸ் கலந்து குடித்து வந்தால் உடலுக்கு நலன் தருவதுடன், எடையும் அதிகரிக்கும்.

நட்ஸ்

வால்நட்ஸ், பாதாம் மற்றும் ஹாசில் நட்ஸ் உள்ளிட்ட பருப்புகளில் சாச்சுரேட்டட் கொழுப்புக்கள் மற்றும் கலோரிகள் அதிகம் உள்ளது.

இவற்றில் அடங்கியுள்ள அதிக அளவு புரதம் உடலுக்கு உரத்தை அளிக்கிறது.

தினமும் சிறிதளவேனும் உலர் பழங்களை எடுத்துக் கொள்வது உடல் எடையை அதிகரிக்க நிச்சயம் உதவும்.

வாழைப்பழம்

வாழைப்பழத்தில் அதிகளவில் கலோரிகள் உள்ளது, எனவே உடல் எடையை அதிகரிக்க நினைப்பவர்களுக்கு சிறந்த பழமாக இருக்கும்.

அத்திப்பழம்

ஒரு அத்திப்பழத்தில் 111 கலோரிகள் உள்ளது, தினசரி 2 பழங்களை சாப்பிட்டால் உடலில் இரத்த உற்பத்தி அதிகரிக்கும். உடலும் வளர்ச்சி அடைந்து பருமனடையும்.

அவகோடா

எடையை அதிகரிக்க விரும்புவர்கள் அதிகளவில் அவகோடா பழத்தை சாப்பிட வேண்டும்.

இவற்றின் பெரிய பழத்தில் 322 கலோரிகள் உள்ளது, மேலும் இதில் நல்ல கொழுப்புகள் அதிகம் இருப்பதால் இதயத்திற்கு ஆரோக்கியம் தரும்.

பேரிச்சம் பழம்

தினமும் பேரிச்சம் பழங்கள் சாப்பிடுவது நிச்சயம் உடல் எடையை அதிகரிக்கும், அதுவுடன் தேனுடன் கலந்து சாப்பிடுவது சிறந்த பலனை தரும். ஐந்து பேரிச்சம் பழத்தில் 114 கலோரிகள் உள்ளது

ரத்த அழுத்தம் என்றால் என்ன?

இந்தக் காலகட்டத்தில் இளம் வயதிலேயே, அதிலும் 20-25 வயதிலேயே நூற்றில் பத்து பேருக்கு உயர் ரத்த அழுத்தம் இருப்பதாக ஆய்வுகள் சொல்கின்றன. இளைஞர்களின் உழைப்பில்லா, பரபரப்பான வாழ்க்கை முறையில் இவையெல்லாம் இயல்பாகிப் பேனது. அதனால் ஏற்படும் விளைவுகளோ பயங்கரம்!

ரத்த அழுத்தம் என்றால் என்ன?

ரத்த நாளங்களில் உள்ள ரத்த அழுத்தம் தேவையை விட மிக உயர்ந்திருப்பதை 'ரத்த அழுத்த நோய்' அல்லது 'ரத்தக் கொதிப்பு' என்று கூறுகிறோம். இதைக் கண்டுபிடித்து குணப்படுத்தாவிட்டால் இது ஆபத்தான பின் விளைவுகளை ஏற்படுத்தும். பொதுவாக இந்நோய் வெளியே தெரியாது. சில வேளைகளில் மிகப் பெரிய பாதிப்பை அல்லது உயிருக்கு ஆபத்தை ஏற்படுத்திய பின் கண்டுபிடிக்கப்படும். எனவே இதனை 'சைலன்ட கில்லர்' என்றும் கூறுவர்.

இந்நோய் எப்போது கண்டு பிடிக்கப்பட்டது?

1732-ல் 'ஸ்டீபன் ஹேல்ஸ்' என்பவர் ஒரு குதிரையின் ரத்த அழுத்தத்தை சாதாரண 'மானோ மீட்டர்' என்ற கருவியை வைத்து அளந்தார். 1896-ல் 'சிவரோசி' என்பவர் நாம் இப்போது பயன்படுத்தும் 'ஸ்பிக்மோ மேனோ மீட்டரை' கண்டு பிடித்தார். 1905-ல்தான் ரத்த அழுத்த நோயினுடைய முக்கியத்துவம் தெரிய வந்தது. உயர் ரத்த அழுத்தம் அதிக அளவு நோயை ஏற்படுத்துகிறது என்றும், பலர் இறந்து போகின்றனர் என்பதையும் ஒரு ஆயுள் காப்பீட்டுக் கழகம்தான் கண்டு பிடித்தது. அதன் பின் அனைவரது கவனமும் இதன் மீது திரும்பியது.

உயர் ரத்த அழுத்தத்தை எவ்வாறு கண்டுபிடிப்பது?

மருத்துவம் பயின்ற எவரும் ரத்த அழுத்தக் கருவியின் மூலம் ரத்த அழுத்தத்தைக் கண்டு பிடித்து விடலாம். மேல் அளவு 140-க்கு மேலேயோ அல்லது கீழ் அளவு 90-க்கு மேலேயோ இருந்தால் அந்த நோயாளியை மேற்கொண்டு பரிசோதிக்க வேண்டும். ஒரே ஒரு முறை மட்டும் அதிகமாயிருந்தால் ரத்த அழுத்த நோய் உள்ளதாக எடுத்துக்கொள்ள வேண்டியதில்லை. வேறு வேறு சமயங்களில் மூன்று முறை பரிசோதித்த பிறகு ரத்த அழுத்தம் இருந்தால் அவரை 'ரத்த அழுத்த நோயாளி' எனக் கூறலாம்.

ரத்த அழுத்த நோயை மூன்று வகையாகப் பிரிக்கலாம்:

1. கீழ் ரத்த அழுத்த அளவு 91 முதல் 105 வரை.

2. 106 முதல் 115 வரை.

3. 115-க்கு மேல் இருப்பது. இவர்களுக்கு கண்களின் விழித்திரையில் பாதிப்பு ஏற்பட்டிருக்கும்.

எதனால் ரத்த அழுத்தம அதிகமாகிறது?

1. காரணம் ஏதுமின்றி வரும் ரத்த அழுத்தம் 90 சதம் பேரை பாதிக்கிறது. இதற்கான காரணம் துல்லியமாகக் கண்டு பிடிக்கப்படவில்லை.

2. மீதமுள்ள 10 சதவீதம் பேர் சிறுநீரகங்களில் பாதிப்பு, நாளமில்லாச் சுரப்பிகளினாலும் மற்ற காரணங்களினாலும் ரத்தக் கொதிப்பு நோய்க்கு ஆளாகிறார்கள்.

இரண்டாவது வகையைச் சார்ந்த 10 சதவீதம் பேரை முழுமையாகக் குணப்படுத்த வாய்ப்புள்ளது. அதன் காரணத்தை கண்டுபிடித்து அதை அகற்ற முடிந்தால் ரத்த அழுத்தம் சாதாரண நிலையை அடையும். முழுமையான உடற் பரிசோதனை மற்றும் ரத்த சோதனைகளை செய்வதம் மூலம் இந்நோய்க்கான காரணங்களை கண்டறியலாம். இதனால் இதய வீக்கம், இதய ரத்த ஓட்டம் குறைதல், மாரடைப்பு நோய், கை, கால் இயங்காமல் போவது சிறுநீரகங்கள் பழுதடைதல் போன்றவை ஏற்படும்.

ரத்த அழுத்த நோயினால் பாதிக்கப்பட்டவர்களுக்கு என்னென்ன பரிசோதனைகள் செய்யப்படும்?

முதலில் சிறுநீர் பரிசோதனை செய்யப்படும். இதில் சிறுநீரகங்கள் பழுதடைந்துள்ளனவா என்பதை ஓரளவு அறியலாம். இரண்டாவதாக ரத்தத்தில் சர்க்கரை நோயும், ரத்த அழுத்தமும் சேர்ந்து இருந்தால் மாரடைப்பும், மேற்சொன்ன நோய்களும் வரும் வாய்ப்புகள் அதிகம். 'ஈ.சி.ஜி.' என்பது இதயம் எந்த அளவுக்கு பாதிக்கப்பட்டுள்ளது என்பதை அறிய உதவும் பரிசோதனையாகும். இதயம் வீக்கமாகி உள்ளதா என அறிய 'எக்ஸ்ரே' பரிசோதனை உதவும். 'எக்கோ', 'ஆஞ்சியோகிராம்' போன்ற பரிசோதனைகளைக்கூட செய்து பார்க்கலாம்.

கர்ப்பிணிகளுக்கும் மற்றவர்களுக்கும் வரும் ரத்த அழுத்தத்திற்கு இடையே உள்ள வேறுபாடு என்ன?

கர்ப்பிணிப் பெண்களுக்கு மட்டுமே வரக்கூடிய ஒரு வகை ரத்த அழுத்த நோய் 'பிரி-எக்லாம்சியா' என்பதாகும். இது முதன் முறையாக கர்ப்பமடைபவருக்கே 95 சதவீதம் வரும். பல குழந்தைகள் பெற்றவர்களை விட குழந்தையே பெறாமல் முதல் முறையாக கர்ப்பமடைந்த பெண்களுக்கு 6 முதல் 8 மடங்கு இந்நோய் வர வாய்ப்பு அதிகம் இருக்கிறது. பல குழந்தைகளை வயிற்றில் சுமந்தவர்களுக்கும் சர்க்கரை வியாதி உள்ளவர்களுக்கும் இந்நோய் வரும் வாய்ப்பு அதிகம். இந்நோயின் மற்ற அறிகுறிகளாக-கால்வீக்கம், ரத்தக்கொதிப்பு, சிறுநீரில் புரதசத்து வெளியேறுதல் ஆகியவை உண்டாகும். இதை மருந்துவத்தின் மூலம் சரி செய்யாவிடில் வலிப்பு நோய் மற்றும் உணர்விழந்து போகுதல் ஆகிய பாதிப்புகள் ஏற்படும். பெண்களின் கர்ப்ப காலம் முடிந்தவுடன் இந்நோய் உடனடியாக மறைந்து விடும். இதனை கர்ப்பகால ரத்த அழுத்தம் என்கிறார்கள்.

ரத்த அழுத்த நோய் உள்ளவர்களுக்கு அறிவுரை:

நீங்கள் ரத்த அழுத்த நோயாளி எனில், இந்நோய் பற்றி விரிவாக அறிந்து கொள்ளுங்கள். இந்நோயை கட்டுப்படுத்தாவிடில் இது மாரடைப்பு, மூளை பாதிப்பு போன்ற நோய்களை ஏற்படுத்தும். மருத்துவரின் ஆலோசனைப்படி செயலாற்றுங்கள். உப்பு அதிகமுள்ள ஊறுகாய், கருவாடு, அப்பளம், சிப்ஸ் போன்றவற்றைத் தவிர்த்து விடுங்கள். உப்பு, உடலில் நீரை தங்கச் செய்து இதயத்தை பலமிழக்கச் செய்யும். கால், கைகள் வீங்க வைக்கும். ரத்த அழுத்தத்தை அதிகரிக்கச் செய்யும். வெண்ணெய், நெய், எண்ணெய் போன்ற கொழுப்புச் சத்து மிகுந்த உணவுப் பொருட்களை சாப்பிடாதீர்கள். கொழுப்பு சத்து ரத்தக் குழாய்களை அடைத்துக் கொண்டு மேற்சொன்ன வியாதிகளை உண்டு பண்ணக் கூடும். தொடர்ச்சியாக உடற்பயிற்சி செய்யுங்கள். ஒரு நாளைக்கு 1 மணி நேரமாவது வேகமாக நடைப்பயிற்சியை மேற்கொள்ளுங்கள். இது உடலில் கொழுப்புச் சத்து சேர்வதைத் தவிர்த்து விடுவதுடன் அழுத்தத்தையும் குறைக்கும். புகை பிடிப்பவராக இருந்தால் உடனேயே அதை நிறுத்துங்கள். புகை பிடிப்பவர்கள் ரத்த அழுத்த நோயினால் அவதிப்படுவதோடு அல்லாமல் மாரடைப்பு நோயினாலும் உயிரிழக்க நேரிடும்! மருத்துவரின் ஆலோசனையின்றி அவர் சிபாரிச் செய்யும் மருந்துகளின் அளவை நீங்களாகவே குறைக்கவோ அல்லது அதிகரிக்கவோ கூடாது. உடல் எடையை குறையுங்கள். உங்களுடைய ரத்த அழுத்தத்தின் அளவை முறையாக பரிசோதித்துக் கொள்ளுங்கள். முக்கியமாக ஒரு முறை எழுதிக் கொடுத்த மருந்தை வாழ்நாள் முழுவதும் உபயோகிக்கக் கூடாது. அடிக்கடி மருத்துவரிடம் சென்று ஆலோசனை பெற்று தேவைக்கு ஏற்ப மருந்துகளை அதிகரிக்கவோ, குறைக்கவோ செய்ய வேண்டும்.

ஹோமியோ மருந்துகள்:

RAUWOLFIA Q, CRATAE-GUS Q, ADONISVER Q போன்ற சொட்டு மருந்துகளை ரத்த அழுத்த அடிப்படையில், அதாவது ரத்த அழுத்தமிகுதி அல்லது குறைவின் அடிப்படையில், நீரில் கலந்து குடிக்கலாம். DIGITALIS, CACTUS BERBERIS VULGARIS போன்ற மாத்திரைகளையும் தேவைக்கேற்ப பயன்படுத்தலாம். பக்க -பின் விளைவுகள் ஏற்பட்டால் ஹோமியோபதி நிபுணரை நேரில் அணுகி அவரது பரிந்துரையின்படி மருந்துகளை சாப்பிட வேண்டும். பயோகெமிக் மருந்துகளும், கூட்டுக்கலவை மருந்துகளும், சில வகை தாய்திரவங்களின் (MOTHER TINCTURES) கலவைகளும் இதற்க மிகவும் உதவும். இவை எல்லாம் வாழ்க்கை முறை நோய்களாகிப் போனதால் உடற்பயிற்சி, உணவு, உறக்கம் ஆகியவற்றிலும் அன்றாடம் கவனம் செலுத்த வேண்டும்.

மூட்டு வலிக்கு இதமான உணவு

"தலைவலியும் பல் வலியும் தனக்கு வந்தால்தான் தெரியும்"னு சொல்வாங்க. அதுகூட... மூட்டு வலியையும் சேர்த்துக்கலாம். அது கொடுக்கிற இம்சை அவ்ளோ பெரிசு. வயசானவங்களுக்கு வரக்கூடியது, ஆஸ்டியோ ஆர்த்ரைட்டிஸ்னு சொல்ற மூட்டு வலி. மூட்டுல உள்ள திரவம் குறைஞ்சு, ஒருவித இறுக்கம் உண்டாகி, உயிர் போகிற மாதிரி வலிக்கும். நம்ம உடம்புல உள்ளே செல்லே, உடல் உறுப்புக்கு எதிரியாகி வேலை செய்யறதோட விளைவு இது.

30-40 வயசுல உண்டாகிறது ருமட்டாயிட் ஆர்த்ரைட்டிஸ்னு சொல்ற வலி. கை, கால் விரல்கள்ல உள்ள சின்னச்சின்ன மூட்டுகள்லகூட இந்த வலியை உணரலாம். முக்கியமா காலை நேரத்துல வலி அதிகமிருக்கும். இது சீசனுக்கு ஏத்தபடி மாறி மாறி வரும். பரம்பரையாகவும் தாக்கக்கூடியது.

எந்தவிதமான மூட்டு வலியா இருந்தாலும், அது நாம சாப்பிடற உணவோட ஓரளவு சம்பந்தப் பட்டதுன்னு கண்டுபிடிச்சிருக்காங்க மருத்துவர்கள். அதேசமயம் மூட்டு வலியால அவதிப்படற எல்லாருக்கும் அவங்களோட சாப்பாடுதான் காரணம்னும் சொல்லிட முடியாதுங்கிறாங்க அவங்க.

பரம்பரைத்தன்மையோ, வேற காரணமோ இல்லாம திடீர்னு மூட்டு வலியால பாதிக்கப்படறவங்க, முதல்ல கவனிக்க வேண்டிய விஷயம், அவங்களோட டயட்!

மூட்டு வலியால பாதிக்கப்பட்டவங்களை இப்படி ஒரு ஆராய்ச்சிக்கு உட்படுத்தினப்ப, அவங்கள்ல பலரும் அசைவ உணவுப்பழக்கம் உள்ளவங்களா இருந்தது தெரிய வந்ததாம். முதல் கட்டமா, அசைவத்துலேர்ந்து சைவ உணவுப் பழக்கத்துக்கு மாறச் சொன்னபோது, ஒரு சில நாட்கள்லயே வலி குறையறதை உணர்ந்திருக்காங்க அவங்க. மூட்டு வலியை உண்டாக்கி, அந்த இடத்துல வீக்கத்தையும் ஏற்படுத்தக்கூடியது அசைவ உணவு.

அப்படின்னா சைவம் மட்டுமே சாப்பிடறவங்களுக்கு மூட்டு வலி வர்றதில்லையான்னு கேட்கலாம். அவங்களும் கொழுப்பு குறைவான உணவை எடுத்துக்கிறப்ப, வலி குறையறதை உணர்வதா சொல்றாங்க.

சோளம், கோதுமை, ஆரஞ்சு, எலுமிச்சை, ஓட்ஸ், கேழ்வரகு, தக்காளி, பால் மற்றும் பால் பொருட்கள், மிளகு, சோயா, கத்தரிக்காய், உருளைக்கிழங்கு, அதிகாரம், ஆல்கஹால், முட்டை, வேர்க்கடலை, அதிக சர்க்கரை, வெண்ணெய், மாட்டிறைச்சி, ஆட்டிறைச்சி... இதெல்லாம் மூட்டுவலியை அதிகப்படுத்தற உணவுகளாம். மூட்டு வலியோட அறிகுறிகளை உணர்ந்ததுமே, முதல் கட்டமா மேல சொன்ன உணவுகள்ல ஒவ்வொண்ணா நிறுத்திப் பார்க்கலாம். உணவு அலர்ஜியால் உண்டான வலியா இருந்தா, அதை நிறுத்தினதுமே குணம் தெரியும்.

இதய நோய் இருக்கிற சிலருக்கு, மூட்டு வலி இருக்கலாம். அவங்க தினமும் 2 அல்லது 3 பூண்டை பச்சையா சாப்பிடறது இதயம், மூட்டு ரெண்டுக்குமே நல்லது. ஒமேகா 3 கொழுப்பு அமிலம் உள்ள உணவுகளும் மூட்டுக்கு நல்லது. ஃபிளாக்ஸ் சீட்ஸ்னு இப்ப கடைகள்ல கிடைக்கிற ஆளி விதைல, அக்ரோட், பாதாம்ல இது நிறைய இருக்கு. தவிர சில வகை மீன்கள்லயும் அதிகமா இருக்கு. வலியோட வீக்கமும் சேர்ந்திருந்தா, தினம் இஞ்சியை ஏதாவது ஒரு வகைல எடுத்துக்கிறதும் குணம் தரும்.

மூட்டுவலி வந்ததுமே என்னவோ ஏதோனு அலறத் தேவையில்லை. முதல்ல உங்க உணவை சரிபாருங்க. நீங்க அடிக்கடி விரும்பிச் சாப்பிடற ஏதோ ஒரு உணவுகூட அலர்ஜியாகி, வலியைக் கொடுத்திருக்கலாம். அடுத்து கவனிக்க வேண்டியது எண்ணெய், அதையும் அளவோட எடுத்துக்க வேண்டியது முக்கியம். எதுலயும் குணம் தெரியாதப்ப, மருத்துவரைப் பார்க்கலாம்.

உணவு சாப்பிட்டவுடன் செய்யக் கூடாத சில விஷயங்கள்..

சாப்பிட்ட உடனே சில விஷயங்களை செய்யக்கூடாது என்று நம் முன்னோர்கள் சொல்லியிருப்பதை நாம் கேட்டு இருப்போம். ஆனால் அதை மதிக்க மாட்டோம். நம் முன்னோர்கள் சொன்ன ஒவ்வொன்றின் பின்னணியிலும் ஒரு அறிவியல் காரணம் உண்டு தெரியுமா..?

நம் சாப்பிட்ட உடனே பழங்கள் சாப்பிடக் கூடாது. காரணம் வயிற்றில் வாயுவை உருவாக்கி உப்பச் செய்துவிடும். இரண்டு மணி நேரத்துக்குப் பிறகோ அல்லது உணவு எடுத்துக்கொள்ளும் ஒருமணி நேரத்துக்கு முன்போ பழங்களை சாப்பிடுவது நல்லது.

அதேபோல் தேநீர் அருந்த கூடாது. தேயிலை அதிக அளவு அமிலங்களை உள்ளடக்கியது. இது உணவில் உள்ள புரத மூலக்கூறுகளுடன் சேர்ந்து உணவு செரிப்பதை சிக்கலாக்கி விடும். பொதுவாக சாப்பிட்ட பின் ஆண்களுக்கு சிகரெட் பிடிப்பது ஒரு பழக்கமாக இருக்கிறது.

நாம் உணவு எடுத்தவுடன் பிடிக்கும் ஒரு சிகரெட், 10 சிகரெட்டுகள் பிடிப்பதற்கு சமமான விளைவை ஏற்படுத்தும் என ஆய்வுகள் தெரிவிக்கின்றன. இதனால் புற்றுநோய் வரும் வாய்ப்பும் அதிகரிக்கிறது.

ஒரு சிலர் சாப்பிட்ட பிறகு லேசாக இருக்கட்டுமே என இடுப்பில் உள்ள பெல்ட்டை இறக்கிவிடுவார்கள் அல்லது தளர்த்தி விடுவார்கள். இதனால் சாப்பிட்ட உணவு உடனடியாக குடலுக்கு சென்று விழுவதால் சரியானபடி வேலை செய்ய முடியாமல் செரிமானக் கோளாறு ஏற்படும்.

சாப்பிட்டவுடன் குளிக்க கூடாது. ஏனென்றால் சாப்பிட்ட பிறகு நாம் குளிப்பதால் கை, கால்களில் ரத்த ஓட்டம் அதிகரிக்கிறது. இதனால் உணவு செரிக்க தேவைப்படும் ரத்த ஓட்டம் குறைந்து வயிற்றில் உள்ள உணவின் செரிமானத்தை குறைக்கிறது. நாம் சாப்பிட்ட உடனே நடந்தால் உடலுக்கு நல்லது என ஒரு நம்பிக்கை நிலவுகிறது.

இது தவறானது. இப்படி உடனடியாக நடப்பதால் உணவில் உள்ள சத்துகளை உணவு மண்டலத்தால் எடுக்க இயலாமல் போய்விடும். இதனால் சாப்பிட்டும் சரியான சத்துகள் நம் உடலில் சேராது.

நம்மில் முக்கால் வாசி மக்கள் சாப்பிட்ட உடன் தூக்கும் பழக்கத்தை உடையவர்கள்.சாப்பிட்டவுடன் படுக்கைக்கு சென்றால் நாம் சாப்பிட்ட உணவுகள் சரியாக செரிமானம் ஆகாது. வயிற்றுக்குத் தேவை இல்லாத வாயுவும் நோய்க்கிருமிகளும் வர வழிவகுக்கும்.

வெள்ளையான சருமம் வேண்டுமா? இத ட்ரை பண்ணுங்க...

ஒரு மாலுக்கு சென்றாலும் சரி அல்லது ஒரு சூப்பர் மார்க்கெட்டுக்குச் சென்றாலும் சரி... அழகு சாதனப் பொருட்கள் இருக்கும் பகுதியை விட்டு நம் பெண்கள் அவ்வளவு விரைவாக நகர்வதே இல்லை. எத்தனை வகையான பொருட்கள், எந்த கம்பெனி தயாரிப்புகள், எவ்வளவு விலை என்று அத்தனையையும் விரல் நுனியில் வைத்திருப்பார்கள்.

முக்கியமாக, தங்கள் மேனியையும், சருமத்தையும் பராமரிப்பதற்குத் தேவையான பொருட்களைப் பெண்கள் நன்கு அறிந்து வைத்திருப்பார்கள். அது தொடர்பாக மார்க்கெட்டுக்குப் புதிது புதிதாக ஏதாவது தயாரிப்புகள் வந்திருந்தாலும், அவற்றை வாங்கி ஒரு கை பார்த்து விடுவார்கள். செலவைப் பற்றி அவ்வளவாகக் கவலைப்படுவதில்லை.

இவ்வளவு அழகு சாதனப் பொருட்களை வாங்கிப் பயன்படுத்திய போதிலும், சருமம் சரியாக வெளுக்கவில்லையே என்ற நிலை வரும் போது தான் செலவைப் பற்றிய கவலையும் அவர்களுக்கு அதிகரிக்கும். எதற்கு இத்தனை சிரமம்? சருமத்தை எப்போதும் வெண்மையாக வைத்துக் கொள்ள சில இயற்கையான வழிமுறைகளைக் கடைப்பிடித்தாலே போதும்.

அத்தகைய வழிமுறைகளைத் தொடர்ந்து கடைப்பிடித்தாலே உங்கள் சருமம் மின்னலடிக்கும் வெண்மையாக மிளிரும். வீட்டில் எளிதாகக் கிடைக்கும் பொருட்களைக் கொண்டே இவற்றை நாம் செய்யலாம். இதனால் கரும்புள்ளிகள் மறையும்; பருக்கள் ஓடிப் போகும்; சருமம் இறுகி மிருதுவாகும். அந்த சூப்பரான 10 வழிகளை இப்போது நாம் ஒவ்வொன்றாகப் பார்க்கலாம்.


ஆரஞ்சு தோல், தயிர்

உலர்ந்த ஆரஞ்சு தோல் மற்றும் தயிர் ஆகியவை நம் வீட்டில் எளிதாகக் கிடைக்கக் கூடியவை தான். ஆரஞ்சு தோலை பொடி செய்து, சூரிய ஒளியில் நன்றாக உலர வைத்து, காற்றுப்புகாத சிறு பெட்டியில் அடைத்து வையுங்கள். பின் ஒரு ஸ்பூன் ஆரஞ்சுத் தோலுடன் தயிரைக் கலந்து, அந்தப் பேஸ்ட்டை முகத்தில் தடவி, 20 நிமிடங்கள் வரை காய விட்டு, பின்னர் குளிர்ந்த நீரால் கழுவி விடவும். இதைத் தொடர்ந்து செய்து வந்தால் முகம் கண்ணாடியாக ஒளிரும்.


தேங்காய் எண்ணெய்


தினமும் உங்கள் முகத்திலும் சருமத்திலும் தேங்காய் எண்ணெயைத் தடவி வந்தாலே போதும். விரைவில் இது உங்கள் சருமத்திற்கு நல்ல பலனைக் கொடுக்கும்.


பச்சை பயறு மாவு - மஞ்சள் மாஸ்க்


இது ஒரு எளிய நிவாரணம் தான். 2 ஸ்பூன் பச்சை பயறு மாவுடன், ஒரு சிட்டிகை மஞ்சள் பொடி மற்றும் 1 ஸ்பூன் எலுமிச்சைச் சாறு அல்லது தயிரைக் கலந்து, முகத்தில் மாஸ்க் செய்யவும். சுமார் 25 நிமிடங்கள் கழித்து, மாஸ்க்கைக் களைந்து விட்டு குளிர்ந்த நீரில் கழுவினால், முகம் பளிச்சென்று இருக்கும்.


பால், தேன், எலுமிச்சை சாறு


இது மற்றொரு எளிய வழி. ஒரு ஸ்பூன் பால், தேன் மற்றும் எலுமிச்சைச் சாறு ஆகியவற்றை நன்றாகக் கலந்து கொள்ளவும். பின், அந்தப் பேஸ்ட்டை முகத்திலும் கழுத்திலும் தடவி, 30 நிமிடங்கள் வரை ஊற வைத்து, சாதாரண நீரில் கழுவினாலே போதும். வாரத்திற்கு 3 முறை செய்து வந்தால், முகத்தில் உள்ள கரும்புள்ளிகள் மறைந்து விடும். சருமமும் மிருதுவாகும்.


ஓட்ஸ், தயிர், தக்காளி மாஸ்க்


ஒரு ஸ்பூன் ஓட்ஸ் உடன் தேவையான அளவு தக்காளி ஜூஸையும், தயிரையும் கலந்து பேஸ்ட் செய்து கொள்ளவும். அந்தப் பேஸ்ட்டை முகத்திலும் கழுத்திலும் தடவி, 20 முதல் 30 நிமிடங்கள் வரை கழித்து சுத்தமான நீரால் கழுவவும். மாஸ்க்கை ஸ்க்ரப் செய்து துடைக்கும் போது தோலில் உள்ள அழுக்குகள் நீங்கும். இதைத் தொடர்ந்து செய்து வந்தால் நல்ல பலன் கிடைக்கும்.

ஆரோக்கியமான நுரையீரலுக்கு கட்டாயம் சாப்பிட வேண்டிய உணவுகள்!!!

மாதுளை

மாதுளைப் பழங்கள் உடற்கூறுக்குறைகளை நீக்கவல்லவை. மேலும் நுரையீரலில் கட்டிகள் தோன்றுவதைத் தடுக்கக் கூடியவை. மூச்சுப் பிரச்சனைகளையும் தீர்க்கக் கூடிய ஒரு அற்புதமான உணவு இது. இதன் சாறு பல்வேறு உடல் நலம் தொடர்பான பயன்பாடுகளுக்கு உதவுகிறது.

வெங்காயம்

வெங்காயம் கொஞ்சம் வாடை உள்ளது தான் மறுப்பதற்கில்லை. ஆனால், இதன் மணம் நுரையீரலை சீராக்குவதில் மிகச்சிறந்த ஒன்று. புகைப்பிடிப்போர் கண்டிப்பாக வெங்காயத்தை உண்டு நுரையீரலை ஆரோக்கியமாக வைத்துக் கொள்ள வேண்டும்.


ஆப்பிள்

ஆப்பிள்களில் ஃப்ளேவோனாய்டுகள் மற்றும் வைட்டமின் ஈ, பி மற்றும் சி நிறைந்துள்ளன. இவையனைத்தும் சுவாச நலனில் நல்ல முன்னேற்றத்தைத் தரக்கூடியவை.


கிரேப்ஃபுரூட் (பம்பளிமாஸ்)

இவற்றில் நரிஞ்சின் என்ற ஃப்ளேவோனாய்டு அதிக அளவில் காணப்படுகிறது. இது நுரையீரலில் கட்டிகள் தோன்றுவதைத் தடுக்கிறது. நுரையீரலை சுத்திகரிக்க இது ஒரு சக்திவாய்ந்த உணவு என்பதில் சந்தேகமில்லை.


கேரட்

கேரட்டுகள் சுவாசக் கோளாறுகளை சரிசெய்வதில் ஒரு ஆச்சரியமான முறையில் உதவுகின்றன. இவற்றில் வைட்டமின் ஏ மற்றும் சி நிறைந்து காணப்படுவதால், நுரையீரல் நலனைப் பேணுவதில் மிகவும் உதவுகின்றன.


நட்ஸ்

வால்நட்ஸ், பாதாம் மற்றும் ஹாசில் நட்ஸ் உள்ளிட்ட பருப்புகள் உடற்கூறுக் கேட்டைத் தடுப்பதுடன், ஒமேகா-3 கொழுப்பு அமிலங்களைக் கொண்டுள்ளன. இவற்றில் அடங்கியுள்ள அதிக அளவு புரதம் உடலுக்கு உரத்தை அளிக்கிறது. இவை நுரையீரலை சுத்தம் செய்யும் சத்தான உணவாகும்.


ஆரஞ்சு

புளிப்புத்தன்மையுடைய பழங்கள் பெரும்பாலும் அதிக உடல் நலனுடன் தொடர்புடையவையாக இருக்கின்றன. ஆரஞ்சு இதில் மிகவும் ஆரோக்கியமானதும் வைட்டமின் சி சத்தை அதிகம் கொண்டதும் ஆகும். புகைப்பிடிப்போர் உண்ண வேண்டிய ஒரு அருமையான பழம் இது. நுரையீரல் ஆக்ஸிஜனை நன்கு உள்ளிழுக்கும் திறனை அதிகரிப்பதில் இவை முக்கிய பங்காற்றுகின்றன.


பீன்ஸ்

பீன்ஸ் கேன்சரைத் தடுக்கும் குணாதிசயங்களை கொண்டுள்ளதுடன், மக்னீசியத்தை அதிகம் தன்னகத்தே கொண்டுள்ளன. இது நுரையீரல் ஆரோக்கியமாகச் செயல்பட முக்கிய செயலாற்றுகின்றன.



மஞ்சள்

மஞ்சளில் காணப்படும் கர்குமின் எனப்படும் வேதிப்பொருள் புற்றுநோயை உண்டாக்கும் அணுக்களை அழிப்பதுடன் நுரையீரலில் கட்டிகள் தோன்றுவதையும் தடுக்கிறது.

கொழுப்பை குறைக்க சிறந்த 8 வீட்டு வைத்திய முறைகள்

கொஞ்சம் கொஞ்சமாக‌ இடைவெளி விட்டு சாப்பிடவும்:

உடம்பிற்கு தேவையான அளவை விட அதிகமாக‌ உட்கொள்வதால்தான், அதிக‌ எடையும், அதிக‌ கொழுப்பு சேர்கிறது. அதிலும் உணவு சுவையாக இருத்தால் அவ்வளோதான், ஒரு பிடி பிடித்து விடுவார்கள். உங்கள் எடையை குறைக்க வேண்டும் என்றால், பின்வரும் வழிமுறையை கடை பிடிப்பது நல்லது. எனவே ஒரேடியாக சாப்பிடாமல், சிறிது, சிறிதாக கொஞ்ச நேரம் இடைவெளி விட்டு சாப்பிடுவது எடை குறைய வழி வகுக்கும். இதை கடைபிடிததால், நம் உடம்பில் ஏற்படும் மெட்டாபாலிசத்தால், கொழுப்பும் குறையும்.

அதிக தண்ணீர் அருந்தவும்:

அதிக தண்ணீர் அருந்துவதால் உடலில் உள்ள அனைத்து நச்சுகக்க‌ள் வெளியேறுவதோடு, கொழுப்பையும் எரிக்கிறது. நீர், நம் செல்களில் ஹைட்ரேட் ஆவதோடு, உயர் வளர்சிதை மாற்றத்தையும் தருகிறது, மற்றும் கலோரி அதிகமாக உட்கொள்ளும் அளவை குறைக்கிறது. எனவே ஒவ்வொருவரும் நாளொன்றுக்கு 2 முதல் 3 லிட்டர் வரை தண்ணீர் அருந்த வேண்டும். இதுவே சூடான த‌ண்ணீரக அருந்தினால், கொழுப்பும் கரைவதோடு, தேவையற்ற நச்சுக்களுயும் உடலில் இருந்து வெளியேறும். .

பச்சை தேயிலை/க்ரீன் டீ

பச்சை தேயிலை, முழுமையாக‌ கொழுப்பை எரிக்க‌ உதவும் ஒன்றாக‌ அறியப்படுகிறது. தினமும் 2 முதல் 3 கப் அருந்துவ்தால், உடலில் இருந்து அதிக கொழுப்பு வெளியேற உதவுகிறது. மேலும் நீங்கள் இயல்பாகவே எடை இழக்கவும் உதவுகிறது.

எலுமிச்சை மற்றும் தேன்:

வெதுவெதுப்பான நீரில் எலுமிச்சை மற்றும் தேன் கலந்து தினமும் வெறும் வயிற்றில் காலையில் குடித்தால், தேவையற்ற நச்சுக்களை வெளியேற்றுவதோடு, சிறந்த குடல் இயக்கத்திற்கும் உதவுகிறது.

ஆப்பிள் சாறு வினிகர்:

ஆப்பிள் சாறு வினிகர், செரிமானம் மற்றும் கொழுப்பு எரிவதற்கு நன்றாக பயன்படுகிறது. ஒரு கிளாஸ் தண்ணீரில் இந்த வினிகரை இரண்டு தேக்கரண்டி சேர்த்து சாப்பிட்டால், பசியின்மை மற்றும் எய்ட்ஸால் ஏற்படும் எடை இழப்பை ஒடுக்குகிறது.

கருப்பு மிளகு

கருப்பு மிளகில் காண‌ப்படும் அல்கலாய்டு என்ற ஒரு இரசாயன கலவை, கொழுப்பின் முழு செல்களை உடைக்கிறது. இது ஒரு மூலக்கூறு அளவில் கொழுப்பை குறைக்க உதவுகிறது. கருப்பு மிளகு புதிய கொழுப்பு செல்கள் உருவாவதை கட்டுப்படுத்துகிறது. மேலும் இது இரத்தத்தில், கொழுப்பினால் ஏற்படும் அடைப்பை கூட கட்டுப்படுத்துகிறது. உங்கள் உணவில் கருப்பு மிளகை சேர்த்துப் பாருங்ளேன், நீங்கள் மெலிவதை நீங்களே உணரலாம். வீட்டில் கிடைக்கும் பொருட்களில், இந்த கருப்பு மிளகு மிகவும் சிறந்ததாக கருதப்படுகிறது.

சீரகம்

சீரகம் ஒரு கொழுப்பை எரிக்கும் பொருளாக உள்ளது. சீரகம் எடை குறையவும், உடலில் அதிகப்படியான கொழுப்பு சேர்வதையும் தடுக்கிறது. இது வளர்சிதை மாற்ற விகிதத்தை அதிகரித்து மற்றும் வாய்வு ப்டிப்பை நிறுத்துகிறது. தண்ணீரில் சீரகம் சேர்த்து கொதிக்க வைத்து அருந்தவும். சீரகத்தை அனைத்து உணவுகளுக்கும் சேர்க்கலாம்.

கொத்தமல்லி சாறு
கொத்தமல்லி சாறு கொழுப்பை வெளியேற்ற உதவுகிறது. இது நீங்கள் எடை இழப்பதற்கும், அதே நேரத்தில் ஆரோக்கியமாக இருக்கவும் உதவி புரிகிறது, மேலும் கொழுப்பை குறைத்து உடலில் உள்ல நச்சு வெளியேற‌ உதவுகிறது.

எடையை குறைக்கணுமா...?

உங்களுக்கு எதை உண்ணப் பிடிக்குமோ, அதைத் தவிருங்கள். இது கொஞ்சம் கஷ்டம்தான். முதல் நான்கு நாட்கள் மிக கடினம் போல தோன்றும். முழுமையாகத் தவிர்க்க முடியாவிடினும், சிறிது சிறிதாகத் தவிர்க்கப் பாருங்கள். முழுமையாகத் தவிர்த்தபின் உங்கள் ஆர்வம் குறையத் தொடங்கியிருப்பதை நீங்களே உணர்வீர்கள்.

மூச்சுப் பயிற்சி செய்வதன்மூலம் மன இறுக்கத்தைப் போக்கலாம். மனஇறுக்கம்கூட அதிகப்படியான உணவு உண்பதற்கு ஒரு காரணம்.

உடல் தளர்ச்சியின்போது உண்ணும் எண்ணம் தோன்றலாம். அச் சமயங்களில் கதவை அடைத்து, கண்களை மூடி ரிலாக்ஸ் செய்யுங்கள். குறிப்பாக சமையலறை பக்கம் போகாமல் ஏதாவது வேலைகளில் ஈடுபடலாம்!

கொழுப்பு நிறைந்த உணவுகளை உண்ணும் முன் உங்கள் எடையையும் உடலையும் ஒருமுறை நினைத்துப் பாருங்கள்.

இரண்டு தம்ளர் தண்ணீ­ர் மற்றும் 25 கிராம் நட்ஸ் (பாதாம், நிலக்கடலை, வால்நட்) சாப்பிடலாம். இருபது நிமிடங்களில் தீனி உண்ணும் உங்கள் எண்ணத்தை அழித்து உங்கள் உடல் ரசாயனத்தை மாற்றிவிடும்.

(குறிப்பு: உலர் பருப்புகள் உடலுக்கு நல்லதல்ல என்ற தவறான எண்ணம் உண்டு. தினமும் சிறிதளவு உலர் பருப்புகள் எடுத்துக்கொள்வது உடல் எடையைக் குறைக்கும் என்பது ஆய்வில் நிரூபணமாகியுள்ளது.)

கொழுப்பு நீக்கப்பட்ட பாலை உபயோகிக்கவும்.

எப்போதும் வாய் சுத்தமாக இருக்கும்படி பார்த்துக்கொள்ளவும். தேவையெனில் மவுத்வாஷ் உபயோகிக்கலாம். வாய் - சுத்தமாக இருக்கும்போது, கண்டதை உண்ணும் எண்ணம் தோன்றாது.

தீனி உண்ணும் எண்ணம் பத்து நிமிடங்களுக்கு மேல் நீடிக்காது. எனவே அந்த பத்து நிமிடங்கள் உங்கள் மனதை பாட்டு கேட்பதன் மூலமோ, உடற்பயிற்சி செய்வதன் மூலமோ அல்லது தியானிப்புகள் மூலமோ திசை திருப்பலாம்.

பசிக்கும் போதெல்லாம், பப்பாளி, வெள்ளரிக்காய், தக்காளி போன்றவற்றை சாலட் செய்து சாப்பிட்டு, ஒரு டம்ளர் வெதுவெதுப்பான நீர் குடித்து வந்தால் நாளடைவில் உடல் எடை குறையும்.

கல்யாண விருந்துகளைக் கட்டாயம் தவிர்க்கவும். ஒரு வேளை, மிக அவசியமான விருந்து நிகழ்ச்சி என்றால், காய்கறி, கீரை சூப் என பாதி வயிறு நிறைத்துக் கொண்டு செல்லுங்கள். இதனால் ஐஸ்க்ரீம், ஸ்வீட்ஸ் என கண்டபடி சாப்பிடத் தோன்றாது.

உடற்பயிற்சியின் அவசியத்தைப் பற்றி சொல்ல வேண்டியதில்லை. உடலின் ஆரோக்கியத்திற்கும், இளமைக்கும் உடற்பயிற்சி தேவையான ஒன்று. இதற்கென தனியே நேரம் செலவிட இயலாவிடினும் வீட்டுவேலை, படியேறுதல் மற்றும் தோட்டக்கலை போன்றவற்றில் நம்மை ஈடுபடுத்திக்கொள்வதே, சிறந்த உடற்பயிற்சியாகும். இவை எவ்வளவு கலோரிகளை எரிக்கின்றன. எவ்வளவு எடையைக் குறைக்கின்றன தெரியுமா? படியுங்கள் கீழே...!

மன அழுத்தம்கூட உடல் எடை கூட காரணமாகலாம். உடற்பயிற்சியின்போது சுரக்கும் எண்டோர்ஃபின் என்னும் ஹார்மோன் மன அழுத்தத்தைக் கட்டுப்படுத்துகின்றது. மேலும் டிரிப்போஃபேன் என்னும் அமினோ அமிலம் நிறைந்த சோயா பால் பொருட்களும் மன அழுத்தத்தைக் குறைக்கும். இதனால்தான் நாம் டென்ஷனாக இருக்கும்போது காஃபி குடித்தால் சற்று ரிலாக்ஸ்டாக உணர்கிறோம். இப்போது புரிகிறதா?

வேலை எடுத்துக்கொள்ளும் நேரம் செலவழிக்கப்பட்ட கலோரிகள்/ ஒரு வாரத்துக்கு

எடை குறைவு/ ஒரு வருடத்தில் (கிலோ கிராம்)

மதிய உணவுக்குப் 10 நிமிடங்கள்

பின் ஒரு நடை வாரம் 5 முறை 170 1.25

பயிற்சி:

படியேறுதல் 5 நிமிடங்கள்,

வாரம் 5 முறை 225 1.50

வீட்டுவேலை 2 மணிநேரம்

வாரத்துக்கு 408 3.90

குழந்தைகளுடன் 1 மணி நேரம்

விளையாட்டு வாரம் 3 முறை 612 4.50

தோட்ட வேலை 2 மணி நேரம்

வாரத்துக்கு 712 5.00

நடனம் 2 மணி நேரம்,

வாரத்துக்கு 816 6.00

ஆண்கள் முகப்பருக்களை கட்டுப்படுத்துவது எப்படி…

முகப்பருக்கள், ஆண்கள் பெண்கள் என இரு பாலருக்கும் ஏற்படும் பொதுவான பிரச்சனைதான். முகப்பருக்கள் முகம், மார்பு, தோள், முதுகு போன்ற இடங்களில் எண்ணெய் சுரப்பிகள் அதிக அளவில் செயல்படுவதால் உருவாகின்றன. பொதுவாக இளவயதினருக்கு அதிகம் வரும் இந்த பிரச்சனை, அனைத்து வயதினருக்கும் வரக்கூடியது தான்.

பெண்களேடு ஒப்பிடுகையில் ஆண்களுக்கு அதிக வியர்வை வெளியேறும். இதனால் ஆண்களுக்கு முதுகு, தோள், கழுத்து போன்ற இடங்களிலும் பருக்கள் வர வாய்ப்புகள் அதிகம். ஷேவிங் செய்வதும் ஆண்களின் முகப்பருக்களுக்கு ஒரு காரணம். எந்த ஒரு விஷயத்தையும் வரும் முன் காப்பதே சிறந்தது.

எனவே ஆண்களுக்கு ஏற்படும் பருக்களை எவ்வாறு தடுப்பது என்பது பற்றி பார்க்கலாம். தினம் இருமுறையாவது முகம் கழுவுங்கள்: நளொன்றிற்க்கு இரு முறையாவது உங்கள் முகங்களை சோப்பு அல்லது லேசான எண்ணெயற்ற ஃபேஸ் வாஷ் கிரீம்களை கொண்டு கழுவ வேண்டும். அடிக்கடி முகம் கழுவுவதால், முகத்தில் பருக்கள் உருவாவதற்க்கு காரணமான அதிக படியான எண்ணெய்ப்பசை குறைவதுடன், இறந்த செல்களும் அகன்றுவிடும்.

அடுத்ததாக முடியை சுத்தமாக வைத்து கொள்ள வேண்டும். தினமும் தலைமுடியை கழுவிட வேண்டும். நம்மில் பலர், முடி சிறியதாக உள்ளதால், அடிக்கடி பராமரிக்க தேவையில்லை என்ற முடிவிற்க்கு வந்து விடுகிறோம். நம் உடலில் மிக எளிதில் அதிக அளவு அழுக்கு படியும் பாகம் முடி தான்.

உண்மையில் முடியின் அளவு எப்படியிருப்பினும், முடியிலிருந்து முகம், கழுத்து போன்ற இடங்களுக்கு தூசி, அழுக்கு, வியர்வை போன்றவை எளிதாக இறங்கும். வெயிற்காலங்களில், வியர்வையை கட்டுபடுத்த குறைவான அளவு முடியை பராமரிப்பது நன்று. தொடர்ந்து உடற்பயிற்ச்சி செய்வதும், பருக்களை குறைக்க உதவும்.

உடற்பயிற்ச்சி செய்வதால், மனாழுத்தம் குறைவடையும். அதோடு, இரத்த ஓட்டம் சீரடைவதுடன், இரத்ததில் ஆக்ஸிஜனின் அளவு அதிகரிக்கும். இது எண்ணெய் சுரப்பிகளின் மிதமிஞ்சிய செயல்பாட்டை கட்டுபடுத்த உதவும். பிளேட்களை கொண்டு ஷேவ் செய்வதை விட, மின்சார ஷேவர் அல்லது மின்சார ட்ரிம்மர்களை பயன்படுத்தலாம்.

பிளேட்களால் ஷேவ் செய்யும் போது, கண்களுக்கு புலப்படாத அளவு மிக சிறிய அளவில் சருமத்தின் மேற்புறம் வெட்டுக்கள் மற்றும் சிறாய்ப்புகள் ஏற்படுகின்றன. இதனால் தான் ஷேவிங் செய்ததும் காயங்கள் எதுவும் இன்றியும் எரிச்சல் உணர்வும் சில நேரங்களில் லேசான வீக்கங்களும் ஏற்படுகின்றன.

பிளேடால் ஷேவ் செய்தால், மிகவும் லெச்சன கெமிக்கல்கள் அதிகம் இல்லாத ஏஃப்டர் ஷவர், ஃபோம் அல்லது ஷேவிங் கிரீமை பயண்படுத்தலாம். மிகவும் இருக்கமான உடைகளை தவிர்ப்பது நல்லது. அதிக இருக்கமாக ஆடை அணிவதால், உடலில் புழுக்கம் ஏற்பட்டு, அதிக படியான வியர்வையை உற்பத்தி செய்கிறது.

இதன் விளைவாக முகத்திலும் வியர்வை அதிகரிக்கிறது. மேலும், இருக்கமான ஆடைகள், வெப்பம் மற்றும் ஈரப்பதத்தை வெளியேற விடாமல் தடுத்து, அரிப்பு எரிச்சல் போன்ற பிற சரும பிரச்சனைகளுக்கும் வித்திடுகிறது. உடற்பயிற்ச்சிக்கு பின், விளையாடிய பின், அதிக உடல் உழைப்பு ஏற்படுத்தும் வேலைகள் செய்ததற்க்கு பின் தவறாமல் குளிக்க வேண்டும்.

வியர்வையாலும், உங்கள் சுற்றுபுறத்திலிருந்தும் பாக்டீரியாக்கள் மற்றும் தூசு போன்றவை உங்கள் உடலில் தங்கிவிட்டால் அது பருக்கள, மற்றும் பிற சரும பிரச்சனைகளையும் ஏற்படுத்தும். முக்கியமாக, பெண்களை காட்டிலும் ஆண்களுக்கு அதிக அளவு வியர்வை வெளிப்படும். அடிக்கடி முகத்தை தொடுவது கூடாது.

இவ்வாறு செய்வதனால், கையில் உள்ள அழுக்கு மற்றும் கிருமிகள் முகத்தில் பரவி எளிதாக பருக்கள் வர காரணமாகிறது. உடற்பயிற்ச்சியாளர்கள், தங்கள் உடல் வளர்ச்சியை ஊக்குவிக்கும் ஸ்டெராய்டுகளை பயண்படுத்துவது வழக்கம். இதனாலும் முகத்தில் பருக்கள் வரும் வாய்ப்புள்ளது. ஸ்டெராய்டுகளிலுள்ள சில வேதிபொருட்கள் எண்ணெய் சுரப்பிகளின் செயல்பாட்டையும் ஊக்குவிப்பதே இதற்கு காரணமாகும்.

பருக்கள் மற்றும் முக சம்பந்தமான பிரச்சனைகள் அதிக பட்சம் இரண்டு வாரங்களில் தானாகவே சரி ஆகிவிடும். அவ்வாறு ஆகாது இருந்தாலோ அல்லது ஒன்றன் பின் ஒன்றாக தொடர்ந்து வரும் பட்சத்திலே தோல் நிபுணரின் உதவியை நாடுவது அவசியமாகும்.
 
Support : Creating Website | Johny Template | Mas Template
Copyright © 2011. tamiltvshows - All Rights Reserved
Template Created by Creating Website Published by Mas Template
Proudly powered by Free Blogger Template