New Videos from Youtube
Showing posts with label tamil cinema news. Show all posts
Showing posts with label tamil cinema news. Show all posts

ஹன்சிகா, நயன்தாரா மாதிரியெல்லாம் எனக்கு மனைவி எதுக்கு..? சிம்பு..!

தமிழ் சினிமாவின் மன்மதன் சிம்பு நடிகை நயன்தாரா, ஹன்சிகாவை காதலித்தார் என்பதும் பிறகு அந்த காதல் என்னானது என்பதும் அனைவரும் அறிந்ததே.

இந்நிலையில் சமீபத்தில் பேட்டயளித்த சிம்புவிடம் உங்களுக்கு வரப்போற மனைவி ஹன்சிகா மாதிரி இருக்கணுமா, நயன்தாரா மாதிரி இருக்கணுமா? என்ற கேட்டதற்கு, ‘‘என் மனைவி மாதிரி இருக்கணும். ஹன்சிகா, நயன்தாரா மாதிரியெல்லாம் எனக்கு மனைவி எதுக்கு?’’ என பதிலளித்தார்.

அவர் அளித்த பேட்டி பின்வருமாறு...

கேள்வி - உங்களோட படங்கள் வருதோ இல்லயோ, ஆனா சர்ச்சைகள் மட்டும் வந்துகிட்டே இருக்கே. உதாரணமா அந்த வீடியோ..?

பதில் - வேறு யாருக்காவது இந்த மாதிரி வந்திருந்தால் அவர் க்ளோஸ். ஆனா, நமக்கு வீடியோ வந்தா அது மாஸ். நான் எதற்கு பீல் பண்ணிட்டு இருக்கணும்? நான் எதுவுமே பண்ணவில்லை என்றாலும், வாராவாரம் என்னைப் பற்றி எழுதிக்கொண்டேதான் இருக்கிறார்கள்.

வாராவாரம் எழுதிட்டு, அதுக்குப் பதில் சொல்லுங்க, இதுக்குப் பதில் சொல்லுங்க என்று சொன்னால், நான் என்ன சொல்லணும்னு நினைக்கிறீங்க? திடீரென்று பாம் வெடிச்சா பதற்றம் இருக்கும். தினமும் பாம் வெடித்துக்கொண்டேதான் இருக்கிறது. அப்புறம் எதுக்குப் பயப்படணும்.

வீடியோ வந்த அன்றைக்கு, என்னிடம் பதற்றமாகக் கேட்டர்கள். “அப்படியா.. வீடியோவில் நான் என்ன பண்றேன்” என்று கேட்டேன். நீங்க ஒரு பொண்ணை கிஸ் பண்றீங்க என்றார்கள். யாரையாவது கத்தி எடுத்துக் குத்திட்டேனா… கிஸ்தானே பண்ணினேன்.

எல்லாரும் பண்ணினதுதானே. அடுத்த தடவை நல்ல லைட் எஃபெக்ட் எல்லாம் பண்ணி வீடியோ எடுத்துப் போடலாம் என்று இருக்கிறேன். ஆனா அந்த வீடியோவில் இருப்பது நான் இல்லை.

கேள்வி - ‘வாலு’, ‘இது நம்ம ஆளு’ படங்கள் எப்போ வெளிவரும்?

பதில் - ‘வாலு’ படத்தில் ஒரு பாட்டு மட்டும் பாக்கி இருக்கு. நீங்க எப்போ கூப்பிட்டாலும் நடித்துக் கொடுக்கிறேன் என்று சொல்லிட்டேன். தேதி முடிவு பண்ணிட்டுச் சொல்றேன் என்று கூறியிருக்கிறார் தயாரிப்பாளர். ‘இது நம்ம ஆளு’ முக்கியக் காட்சிகள் எல்லாம் எடுத்து முடிச்சாச்சு. இன்னும் மூணு பாட்டு மட்டும் பாக்கி. ஒரு மாதத்தில் இசை தயாராகிவிடும்.

கேள்வி - நயன்தாராவுடன் காதல் பிரிவுக்குப் பிறகு நடிக்கிறீங்க. இப்போ பார்ட்டி போற அளவுக்கு நெருக்கமாகிவிட்டீர்களே..?

பதில் - முதல் விஷயம், நாங்க இரண்டு பேருமே சண்டை எல்லாம் போட்டுக்கொள்ளவில்லை. அந்த நேரத்தில் ஒத்துப்போகவில்லை, பிரிந்துவிட்டோம். அவ்வளவுதான். எங்கள் இருவரது மனதிலும், இப்போது எதுவுமே இல்லை.

அவங்க வேலையை அவங்க பாக்குறாங்க, என் வேலையை நான் பாக்குறேன். அதனால்தான் எங்களால் இணைந்து நடிக்க முடியுது. நான், தனுஷ், நயன்தாரா, அனிருத் எல்லாருமே நட்பா இருக்கோம். அன்றைக்கு எல்லாருமே ப்ரீயா இருந்தோம். வெளியே போனோம். அவ்வளவுதான்.

கேள்வி - தங்கச்சி கல்யாணம் முடிந்தவுடன் எனது கல்யாண அறிவிப்பு இருக்கும் என்றீர்கள்?

பதில் - அப்போ ஒரு பெண்ணைக் காதலித்தேன். இப்போதான் இல்லையே. வீட்டில சொன்னா உடனே கல்யாணம் வைப்பாங்க. யாரை வேண்டுமானாலும் பண்ணுவது கல்யாணம் இல்லயே. என்னைப் புரிஞ்சுக்கிட்டு வர்ற ஒரு பெண் வர்ற வரைக்கும் எனக்குக் கல்யாணம் பண்ணிக்கிற ஐடியா கிடையாது.

கேள்வி - இயக்குநர் சிம்பு என்ன ஆனார்?

பதில் - அடுத்த வருஷம் ஒரு படம் இயக்க இருக்கிறேன். வரும் நாட்களில் நான் எந்த மாதிரி இருப்பேன், படங்கள் பண்ணுவேனா என்பதெல்லாம் சந்தேகமே. சினிமா ஈடுபாடு வரும் காலங்களில் எப்படியிருக்கும் என்பது தெரியாததால், அடுத்த வருஷம் நானே இயக்கி, நடிக்கலாம் என்று முடிவு பண்ணியிருக்கேன்.

கேள்வி - ஆன்மிகப் பாதையில் இருந்துகொண்டே பார்ட்டிக்குப் போவது நியாயமா?

பதில் - ஆன்மிகத்தில் நிறைய வழிகள் இருக்கின்றன. நான் ஆன்மிகத்திற்குள் போனதுக்குப் பிறகுதான் நிறைய பார்ட்டிகளுக்குப் போக ஆரம்பித்தேன். முதல்ல நான் யாருக்காக வாழ்கிறேன்? நான் முதல்ல என்னைச் சந்தோஷமா வைச்சுக்கணும்.

நான் சந்தோஷமா இருந்தால்தான், என்னைச் சுற்றி இருக்கிறவங்க சந்தோஷமா இருக்க முடியும். ஆன்மிகத்திற்குள் போன பிறகுதான், நான் வெளியே போக ஆரம்பித்தேன்.

கேள்வி - காதலித்துத் தோல்வியடையாமல் இருக்க என்ன பண்ணணும்?

பதில் - காதல் அப்படின்னாலே இரண்டு பேர் கிடையாது. காதலிக்க ஆரம்பித்த உடனே நீங்க ஒருத்தர்தான் அப்படின்னு ரெண்டு பேருமே உணரணும். ஒருத்தருக்கு அது புரியல, புரிய வைக்க முடியலன்னாலும் அது வேலைக்கு ஆவாது. எல்லா விஷயத்தையும் நாம கட்டாயப்படுத்த முடியாது. ஒரு சில விஷயங்களில் விட்டுக் கொடுத்துதான் ஆகணும்.

கேள்வி - உங்களுடைய காதல் கதையை ஒரு படமாக எடுத்தால் என்ன?

பதில் - என்னோட காதல் கதையைப் படமா எடுத்தால், பலருக்கு நெஞ்சு வலிதான் வரும். நிறைய சர்ச்சைகள் இருக்கும், சோகங்கள் இருக்கும். என்னோட சோகம் எல்லாம் என்னோடயே இருக்கட்டுமே.

கேள்வி - ஹன்சிகா, நயன்தாரா திரும்பவும் உங்ககிட்ட வந்து காதலிக்கிறேன்னு சொன்னா ஏற்றுக்கொள்வீர்களா?

பதில் - யாரா வேண்டுமானாலும் இருக்கட்டும். ஒரு பொண்ணு வந்து, எனக்கு உன்னை மட்டும்தான் பிடிக்கும். உன்னைத்தான் கல்யாணம் பண்ணிக்கணும்னு சொன்னா பண்ணிப்பேன். 100% எனக்குப் பிடிக்கணும். அதுதான் விஷயம்.

ஸ்ருதிஹாசனை வைத்து விளம்பரம் தேடிய பூஜை..!

ஹரி இயக்கத்தில், விஷால், ஸ்ருதிஹாசன் நடிப்பில் தீபாவளி ரிலீசாக நாளை வெளியாக உள்ள படம் ’பூஜை’. கத்திக்கு போட்டியாக இப்படம் களம் இறங்குகிறது. விஷால் நடித்த படங்களிலேயே அதிக தியேட்டர்களில் ரிலீஸாவது பூஜை படம்தான்.

கிட்டத்தட்ட 1108 தியேட்டர்களில் இப்படம் வெளியாகிறதாம். இதில் தமிழகத்தில் 375 தியேட்டர்கள், ஆந்திராவில் 473 தியேட்டர்கள், கேரளாவில் 70 தியேட்டர்கள், எப்.எம்.எஸ் 143, கர்நாடகாவில் 47 தியேட்டர்களில் பூஜை ரிலீஸ் ஆக உள்ளது. ஆந்திராவில் தமிழகத்தைவிட அதிக தியேட்டர்களில் படம் ரிலீசாக உள்ளதுதான் இதில் விஷயமே.

பூஜையுடன் கத்தி படமும் களத்தில் குதிப்பதால், தமிழகத்தில் வசூல் குறைந்தாலும், ஆந்திரா பக்கம் கைகொடுக்கும் என்ற நம்பிக்கை இருக்கிறதாம் படக்குழுவிற்கு. ஆந்திராவில் அதிக தியேட்டர்களில் பூஜை ரிலீசாக காரணம், அதன் ஹீரோயின் ஸ்ருதிஹாசன்தான்.

தமிழிலில் அம்மணி நடித்த படங்கள் கைகொடுக்காவிட்டாலும், ஆந்திராவில் ராசிக்கார பெண் அவர். ஒரு பாடலில் நடனமாடினாலும் படம் ஹிட் ஆகிவிடுகிறதாம். எனவே பூஜை படத்தை ஸ்ருதிஹாசன் நடித்த படம் என்றுதான் அங்கு விளம்பரம் செய்து வருகின்றனர்.

விஜயசாந்தி, ரோஜா போன்றே ஸ்ருதிஹாசனும் அங்கு ஹீரோயினை மையப்படுத்தும் படங்களுக்கான முகவரியாக மாறிப்போயுள்ளார். இதுதான் ஆந்திராவில் பூஜை களை கட்ட காரணம்.

தமிழ் அமைப்புகள் போராட்டம்! பணிந்தது கத்தி படக்குழு! விஜய் அறிக்கை!

'கத்தி' படத்தின் பிரச்சினை முடிவுக்கு வந்தது. நாளை காலை முதல் திரையரங்குகளில் டிக்கெட் முன்பதிவு தொடங்கப்பட்டும் என்று படக்குழு நேற்றிரவு (திங்கள்கிழமை) அறிவித்தது. ஆனால், நேற்றிரவே 'கத்தி' திரைப்படம் வெளியாக இருந்த சத்யம் திரையரங்கம், உட்லண்ட்ஸ் திரையரங்கம் ஆகியவை மர்ம நபர்களால் தாக்கப்பட்டுள்ளன.


இந்நிலையில், நடிகர் விஜய் செவ்வாய்க்கிழமை வெளியிட்ட அறிக்கையில், சில நாட்களாக சில தமிழ் அமைப்புகள் 'கத்தி' திரைப்படத்தின் தயாரிப்பாளர் லைக்கா நிறுவனத்தின் பெயரை விளம்பரங்களில் நீக்க கோரிக்கை வைத்திருந்தனர். அவர்களின் வேண்டுக்கோளை மதித்து படத்தின் விளம்பரங்களில் லைக்கா பெயரை நீக்க தயாரிப்பாளர்கள் ஒத்துக்கொண்டனர். எனவே, இந்த பிரச்சினை சுமூகமாக முடிந்துவிட்டது.


எனவே, எதிர்பார்ப்போடு காத்திருந்த ரசிகர்களும், மக்களும், 'கத்தி' திரைப்படத்தை சந்தோஷமாக கண்டுகளிக்குமாறு வேண்டிக் கொள்கிறேன் என்று விஜய் குறிப்பிட்டுள்ளார்.

19 மணி நேரம் 8.55 லட்சம் ஹிட்ஸ்..! கத்தி சாதனை..!

ஒரு பக்கம் ’கத்தி’ தமிழ் நாட்டில் ரிலீஸ் ஆகுமா..? என்று சந்தேகம் எழுந்தாலும், இன்னொரு பக்கம் அப்படத்திற்கு ரசிகர்களிடையே மாபெரும் வரவேற்பு பெற்றிருக்கிறது என்பது தெரியவருகிறது.

கத்தி டிரைலர் எப்போது வரும் என்று ரசிகர்கள் காத்துக்கொண்டு இருந்து நிலையில் நேற்று சத்தமே இல்லாமல் வெளியானது கத்தி டிரைலர். வெளியான சில நிமிடங்களிலேயே 1 லட்சம் ஹிட்ஸை தாண்டியது.

தற்போது வரை இந்த டிரைலர் 19 மணி நேரத்தில் 8.55 லட்சம் ஹிட்ஸை தாண்டி சாதனை படைத்துள்ளது. இருந்தாலும் ஒரு சில ரசிகர்களுக்கு கத்தி டிரைலர் பிடிக்கவில்லை என்பதும் குறிப்பிடத்தக்கது.

ஜி.வி.பிரகாஷூக்கு இன்ப அதிர்ச்சி கொடுத்த நயன், சமந்தா

தமிழ் சினிமாவில் தன் இசையால் இளம் ரசிகர்களை கவர்ந்து இழுக்கும் திறமை படைத்தவர் ஜி.வி.பிரகாஷ். இவருடைய இசையை பற்றி சொல்லத் தேவையில்லை. அவருடைய இசையே ஒவ்வொருவர் காதிலும் பேசும். தற்போது இவர் பென்சில் படம் மூலம் நடிகராக அறிமுகமாக இருக்கிறார்.

மணி நாகராஜ் இயக்கும் இப்படத்தில் ஜி.வி.பிரகாஷ் பள்ளி மாணவராக நடிக்கிறார். அவருக்கு ஜோடியாக ஸ்ரீதிவ்யா நடிக்கிறார். தற்போது இப்படத்தின் படப்பிடிப்புகள் முடிந்து விட்ட நிலையில், ஒரு முன்னணி இதழுக்கு தன் முதல்பட அனுபவங்கள் குறித்து பேட்டி ஒன்று அளித்துள்ளார் ஜி.வி.பிரகாஷ்.

அதில், தமிழ் சினிமாவில் உள்ள நண்பர்கள் அவருக்கு கொடுத்த டிப்ஸ் குறித்து அவர் கூறியிருப்பதாவது :-

டிப்ஸா.... செம கலாய் கலாய்ச்சுருவாங்க. என் லுக் பார்தத்து அவங்க ஜாலி கலாட்டா பண்ணக் கூடாதுனு நினைச்சேன். ஆனா, குட் பாய்ஸ்... பாராட்டித் தள்ளிட்டாங்க. என்னை முதள் ஆளா ரொம்ப கியூட்டா இருக்கீங்ண்ணா பாராட்டியது விஜய்தான்.

அதற்கு பிறகு ஆர்யா, ரஹ்மான் அங்கிள், சிம்பு, விஷால், இயக்குநர் வெற்றிமாறன் எல்லாரும் ஏகப்பட்ட டிப்ஸ் கொடுத்தாங்க. அது ரொம்ப சந்தோஷமா இருந்துச்சு.

அப்புறம் திடீர்னு ஒருநாள் சமந்தாவும், நயன் தாராவும் போனில் கூப்பிட்டு வாழ்த்தினாங்க. அதை நான் எதிர்பார்க்கவே இல்லை. அப்போதான் சரியான பாதையில்தான் நம்ப போயிட்டு இருக்கோம்னு தோணிச்சு' என்று தெரிவித்துள்ளார்.

கோலங்கள் போட்ட நடிகைக்கு இப்போதும் சீரியல் வாய்ப்புகள்

ஒரு காலத்தில் சின்னத்திரையில் அழகழகான கோலங்கள் போட்ட நடிகைக்கு இப்போதும் சீரியல் வாய்ப்புகள் நிறைய வருகிறது. ஆனால் நடிகை தான் உச்சத்தில் இருந்தபோது வாங்கிய சம்பளத்தில் இருந்து இறங்கி வராததால் எல்லாரும் விலகி ஓடுகிறார்களாம்.


வெற்றி சேனலில் நிகழ்ச்சி தொகுப்பவர்கள் சினிமாவில் நுழைய ஆர்வம் காட்டுவதால் நிகழ்ச்சியில் அதிகம் கவனம் இல்லாமல் இருக்கிறார்களாம். இதனால் இத்தனை வருடங்களுக்கு சினிமாவுக்கு செல்ல மாட்டேன் என்று ஒப்பந்தத்தில் எழுதி கையெழுத்து வாங்கிக் கொள்கிறார்களாம்.


கலை குடும்பத்து வாரிசு நடிகை இப்போது டான்ஸ் மாஸ்டருடன் இணைந்து பெரிய நடிகர்களின் பெயரைக் கொண்டு தன் தயாரிப்பில் தனது பாய்பிரண்ட் இயக்கி இருக்கும் படத்தை வாங்குமாறு சேனல்களை கேட்டு வருகிறாராம். இல்லாவிட்டால் எனக்கு ஒரு நிகழ்ச்சி தாருங்கள் என்கிறாராம்.


புதிதாக ஆரம்பிக்கப்பட்ட செய்தி சேனலுக்கு இன்னொரு முன்னணி சேனலிலிருந்து நிறைய பேர் சென்று விட்டார்களாம். இதனால் சரியான ஆட்கள் இன்றி தவிக்கிறதாம் சேனல். இதனால் மற்ற சேனல்களிலிருந்து ஆட்களை இழுக்க முயற்சித்து வருகிறதாம்.

லிங்கா படப்பிடிப்பில் விபத்து: 5 மாடி உயரத்தில் இருந்து விழுந்தவர் உயிர் பிழைத்தார்

ரஜினி, சோனாக்ஷி சின்ஹா, அனுஷ்கா நடிக்கும் லிங்கா படத்தின் படப்பிடிப்புகள் தற்போது ஐதராபாத்தில் நடந்து வருகிறது. 

புறநகர் பகுதியில் பிரமாண்ட செட் அமைக்கப்பட்டு ரஜினி, சோனாக்ஷி சம்பந்தப்பட்ட பாடல் காட்சிகள் படமாக்கப்பட்டு வருகிறது.இந்த செட் 5 மாடி உயரம் கொண்டது. இதனை சுதர்சன் என்ற ஊழியர் மேற்பார்வை செய்து வந்தார். 

பாடல் காட்சி எடுக்க செட் தயாராக இருக்கிறதா என்பதை கண்காணிக்க வந்தவர் தவறி 5 மாடி உயரத்திலிருந்து கீழே விழுந்தார். உடனடியாக அவரை மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டது. 

அவருக்கு கால் முறிவு ஏற்பட்டுள்ளதால் சில மாதங்கள் நடக்க முடியாது மற்றபடி உயிருக்கு எதுவும் ஆபத்தில்லை என்று டாக்டர்கள் கூறினர். தொடர்ந்து படப்பிடிப்பு நடந்து வருகிறது.

கத்தி பட ரெயிலரோடு படமும் சேர்ந்து வெளியாகியதா?

கத்தி படத்தின் ரயிலர் வெளிவிடமுன் அரைவாசிப் படத்துக்கு மேல் XXXXXvcd இணையத்தில் இருந்ததாகவும் லைக்கா அதிகளவு பணத்தைக் கொடுத்து கத்தி படத்தினை XXXXXvcd இணையத்திலிருந்து நீக்கியதாகவும்
தெரிவிக்கப் பட்டுள்ளது.


ஷங்கருடன் இணையும் சிவகார்த்திகேயன்..!

இயக்குநர் ஷங்கரின் உதவியாளர் இயக்கியிருக்கும் படம் 'கப்பல்'. இப்படத்தை தனது எஸ் பிக்சர்ஸ் நிறுவனத்தின் மூலம் ரிலீஸ் செய்கிறார் ஷங்கர். இதில் வைபவ், சோனம் பாஜ்வ, கருணாகரன், வி.டி.வி. கணேஷ், மற்றும் பலர் நடித்திருக்கின்றனர்.

இந்த படத்தின் ஒரு பாடல் நாளை சென்னையில் உள்ள எக்ஸ்பிரஸ் அவென்யூ மாலில் வெளியாகவுள்ளது. இந்த விழாவில் இயக்குநர் ஷங்கருடன் சிவகார்த்திகேயனும் கலந்து கொள்கிறார் என்பது குறிப்பிடதக்கது.

இந்த படத்திற்கு நடராஜன் ஷங்கரன் இசையமைத்துள்ளார் . இவர் ஏற்கனவே மூடர் கூடம் திரைப்படத்திற்கு இசையமைத்திருந்தார் என்பது குறிப்பிடத்தக்கது.

செல்பி புள்ள பாடலை கொண்டாடும் விஜய் ரசிகர்கள்!

தீபாவளிக்கு திரைக்கு வரும் விஜய்யின் கத்தி படத்தை படு விமரிசையாக கொண்டாட அவரது ரசிகர்கள் இப்போதே ஆயத்தமாகிக் கொண்டிருக்கிறார்கள். கடந்த பொங்கலுக்கு விஜய்யின் ஜில்லா வெளியானபோது அஜீத்தின் வீரமும் வெளியானது. அதனால் அப்போது போஸ்டர் ஒட்டுவது, கட்அவுட் வைப்பது போன்ற விசயங்களில் இரண்டு நடிகர்களின் ரசிகர்களும் பல இடங்களில் மோதிக்கொண்டனர்.

ஆனால், இப்போது விஜய்க்கு சரியான போட்டி இல்லை. விஷாலின் பூஜை வந்தபோதும் அதை பெரிய போட்டி படமாக விஜய் ரசிகர்கள் நினைக்கவில்லை. அதனால் இந்த முறை கத்திதான் நம்பர்-ஒன் படமாக ஹிட்டடிக்கப் போகிறது என்ற நம்பிக்கையில் உற்சாகத்துடன் காணப்படுகின்றனர்.


இந்த நிலையில், கத்தி ஆடியோ ஏற்கனவே வெளியாகி விட்ட நிலையில், பின்னர் சென்சார் சான்றிதழ் பெற்று படம் திரைக்கு வருவதை உறுதிப்படுத்தினர். அதையடுத்து, நேற்று முன்தினம் இரவு அப்படத்தில் விஜய் பாடியுள்ள செல்பி புள்ள என்ற பாடலை வெளியிட்டு ரசிகர்களின கொண்டாட்டத்திற்கு புது எனர்ஜியை கொடுத்துள்ளனர்.


அந்த வகையில், நேற்று ஒரே நாளில் மட்டும் அந்த பாடலை 2 லட்சம் பேருக்கு மேல் ரசித்து ஹிட் பாடலாக்கிக் கொண்டிருக்கிறார்கள்.

மீண்டும் நடிகை அஞ்சலியின் நிர்வாண படம் - மர்ம ஆசாமி கைவரிசை.

சமீபத்தில் சமூக வலைத்தளங்களில் தன்னுடைய நிர்வாண படம் வெளியானதால் தெலுங்கு நடிகை அஞ்சலி திவேதி காவல்நிலையத்தில் புகார் கொடுத்தார் என்பது அனைவரும் அறிந்ததே. இப்போது அதே புகைப்படங்கள் வாட்ஸ்அப்புக்களில் வைரலாக பரவி வருகிறது. பிரபல தெலுங்கு பட நடிகை அஞ்சலி திவேதி மத்திய பிரதேச மாநிலத்தில் வசித்து வந்தார்.

இந்தி படங்களில் நடிக்க விரும்பிய அவர் பட வாய்ப்புக்காக கடந்த சில மாதங்களுக்கு முன்பு மும்பை வந்தார். சமீபத்தில் யாரோ விஷமிகள் டுவிட்டர் சமூக வலைதளத்தில் நடிகை அஞ்சலி திவேதி பெயரில் போலி கணக்கு தொடங்கி, அதில் நிர்வாண படங்களை வெளியிட்டுள்ளனர். அதில் அஞ்சலி திவேதி நிர்வாணமாக இருப்பது போல 2 படங்கள் இருந்தது.

இந்த படங்களை மத்திய பிரதேச மாநிலம் ரேவா மாவட்டத்தில் உள்ள அஞ்சலி திவேதியின் நண்பர் ஒருவர் பார்த்து அவரிடம் தெரிவித்தார். இந்த செய்தியை கேட்டதும் அஞ்சலி திவேதி கடும் அதிர்ச்சி அடைந்தார். உடனே அவர் மால்வாணி காவல் நிலையத்திற்கு சென்று புகார் செய்தார்.

அதன்பேரில் காவல்துறையினர் வழக்குப்பதிவு செய்து அந்த டுவிட்டர் வலைதள கணக்கையும் முடக்கினார்கள். இந்நிலையில் தற்போது மீண்டும் அவருடைய புகைப்படங்கள் விஸ்வரூபம் எடுத்துள்ளது. வாட்ஸ்அப்புகளில் அவருடைய புகைப்படங்கள் வேகமாக பகிரப்பட்டு வருவதாக கூறப்படுகிறது. பிரச்சினை முடிந்தது என்று நினைத்த நடிகைக்கு மீண்டும் பிரச்சினை ஆரம்பித்துள்ளது.

வெளிநாடுகளில் கத்தி சி.டியை இலவசமாக வழங்கி வரும் லைகா..! பரபரப்பு தகவல்...!

தீபாவளி வெளியாக காத்திருக்கிறது 'கத்தி' படம். இப்படத்தை கைகா நிறுவனம் தயாரித்துள்ளது. இந்நிறுவனம் இலங்கை அதிபர் ராஜபக்சேவிற்கு நெருக்கமான நிறுவனம் என்று கூறி இந்தப் படத்துக்கு தமிழகத்தில் எதிர்ப்பு நிலவுகிறது.

இதனால் படம் சொன்ன்படி வெளியாகுமா..? என்பது கொஞ்சம் சந்தேகமாகதான் இருக்கிறது. ஆனால் வெளிநாடுகளில் கத்திக்கு எந்த பிரச்சினையும் இல்லை. இதனால் விஜய் படத்துக்கு இதுவரை இல்லாத எண்ணிக்கையிலான அரங்குகளில் கத்தியை வெளியிட இருக்கிறது லைகா நிறுவனம்.

மேலும் படத்தின் ஆடியோ சி.டியை தமிழர் அதிகம் வசிக்கும் வெளிநாடுகளில் இலவசமாகவே வழங்கி வருகிறதாம் லைகா நிறுவனம். சூப்பர் மார்க்கெட்டுகள், இசைத் தட்டு விற்பனை நிலையங்களில் வாங்கும் பொருட்களுடன் இந்த சிடியை இலவசமாகக் கொடுக்கிறார்களாம்.

ஆண்ட்ரியாவின் முத்தத்தால் மனமுடைந்த அனிரூத்

3 என்ற படத்தில் இசையமைப்பாளரான அனிருத், அந்த படத்தில் ஒய் திஸ் கொலவெறி என்ற அதிரடியான ஒரு மெகா ஹிட் பாடலை கொடுத்தார்.

அதனால் ஒரே பாட்டில் உலகப்புகழ் பெற்றார். அப்படி அவர் ஆரவாரத்துடன் வளர்ந்து வந்த அதேநேரத்தில், நடிகை ஆண்ட்ரியாவுடனான உதட்டு முத்தத்தில் அவர் ஈடுபட்ட புகைப்படங்கள் இணையதளங்களில் வெளியாகி பெரிய சர்ச்சையை ஏற்படுத்தின.

அதனால், அதையடுத்து சில நாட்களாக மனசுடைந்து போன அனிருத், தனது அறையே கதியென்று கிடந்திருக்கிறார். அப்போது அவரது பெற்றோர்தான் இன்டர்நெட் யுகத்தில் இதெல்லாம் சாதாரண விசயம். நாளைக்கு இதைவிட இன்னொரு சர்ச்சை வரும்போது உனது பிரச்சினை காணாமல் போய் விடும் என்று அவரை தேற்றினார்களாம்.

ஆக, பெற்றோரின் அரவணைப்பினால் அந்த முத்த சர்ச்சையிலிருந்து மெல்ல மெல்ல வெளியே வந்திருக்கிறார் அனிருத். இதுகுறித்து அவர் கூறுகையில், ஒரே படத்தில் கொலவெறி வைரல் என்று இணையதளம் மூலமாக நான் பிரபலமானேன்.

ஆனால் அந்த இணையதளமே எனது இமேஜை காலி பண்ணிடுச்சு. அதனால் ரொம்பவே குழம்பிப்போய் விட்டேன். ஆனால் பின்னர் கடவுள் அருளால் அதிலிருந்து முழுசாக மீண்டும் வெளியே வந்தேன்.

எதிர்நீச்சல், மான்கராத்தே என்று அடுத்தடுத்து மெகா ஹிட் கொடுத்த நான் இப்போது விஜய்யின் கத்தி படத்துக்கும் இசையமைத்து விட்டேன்.. அந்த வகையில் இப்போது ரொம்ப சந்தோசமாகவும், உற்சாகமாகவும் எனது இசைப்பயணம் சென்று கொண்டிருககிறது என்கிறார் அனிருத்.

முதல் நாள் முதல் ஷோ.. கத்தி குறித்து தனுஷ் சொன்ன தகவல்..?

விஜய் நடிப்பில் வரும் தீபாவளிக்கு வெளிவரவிருக்கும் படம் ’கத்தி’. இப்படம் ரசிகர்களை மட்டுமில்லாமல் திரை நட்சத்திரங்களையும் வெகுவாக கவர்ந்து வருகிறது.

இது குறித்து பல திரைப்பிரபலங்கள் தங்கள் டுவிட்டர் பக்கத்தில் கருத்துக்களை தெரிவித்து வருகின்றனர். இதில் தற்போது நடிகர் தனுஷும் இணைந்துள்ளார். இவர் ‘ இன்னும் 5 நாட்களில் கத்தி படத்தை முதல் நாள் முதல் ஷோ பார்க்க ஆவலுடன் எதிர்பார்த்து கொண்டிருக்கிறேன்’ என்று டுவிட் செய்துள்ளார்.

சமீபத்தில் கத்தி படத்தின் டீஸர் சாங் வெளிவந்து ரசிகர்களிடையே நல்ல வரவேற்பை பெற்றது என்பது குறிப்பிடத்தகக்து.

திறமை இருந்தால் தான் சினிமாவில் நிலைக்க முடியும்: ஹன்சிகா

ஜெயம் ரவி நடிக்கும் புதிய படத்தில், ஹன்சிகாவும், பூனம் பாஜ்வாவும், அவருக்கு ஜோடியாக நடிக்கின்றனர். படப்பிடிப்பு தளங்களில், இவர்களுக்கு இடையே பனிப்போர் நடப்பதாக செய்தி பரவியுள்ளது. 

இதுபற்றி பூனம் பாஜ்வாவைக் கேட்டால், 'அப்படியெல்லாம் எதுவும் இல்லை' என்கிறார். ஹன்சிகாவோ, 'பூனம் பாஜ்வாவை என் சகோதரி போல் நினைக்கிறேன். எங்களுக்கு இடையே பனிப்போரும் இல்லை; அக்கப்போரும் இல்லை. படப்பிடிப்பிலேயே இருவரும் நெருங்கிய தோழிகளாகி விட்டோம்.

 படப்பிடிப்பு முடிந்து வீட்டிற்கு சென்றால் கூட, போன் மூலம் பேசிக் கொள்கிறோம்' என்கிறார். மேலும், 'சினிமாவில், யாரும், யாருக்கும் போட்டியாக இருக்க முடியாது. திறமை உள்ளவர்கள் மட்டுமே நிலைக்க முடியும்' என, தத்துவத்தையும் உதிர்க்கிறார் ஹன்சிகா.

ஓவியாவின் கவர்ச்சி புயல் கோடம்பாக்கத்தை தாக்குமா?

முதல் படமே வெற்றி படமாக அமைந்ததால், தமிழில் ஒரு ரவுண்டு வருவார் என, எதிர்பார்க்கப்பட்டவர், மலையாள நடிகை ஓவியா. ஆனால், அவர் எதிர்பார்த்தது போன்ற வாய்ப்புகள் எதுவும் கிடைக்கவில்லை. கிடைத்த ஒன்றிரண்டு படங்களில் தலைகாட்டி வந்தார். மீண்டும், கேரளாவுக்கே போய் விடலாமா என, மூட்டை முடிச்சுகளுடன் கிளம்ப தயாராக இருந்தவருக்கு, இரண்டு புதிய தமிழ் படங்களில் நடிக்க வாய்ப்பு கிடைத்துள்ளது. 

இதனால், இந்த படங்களில் தன் முழு திறமையையும் காட்ட தயாராகி வருகிறார், ஓவியா. மேலும், தமிழ், மலையாளம் என்ற பாரபட்சம் எதுவுமில்லாமல், கவர்ச்சியையும் வாரி இறைக்க முடிவு செய்துள்ளார். ஓவியாவின் கவர்ச்சி புயல், கோடம்பாக்கத்தை தாக்குமா என்பதை பொறுத்திருந்து தான் பார்க்க வேண்டும்.

அக்காவின் பாராட்டு மழையில்நனையும் துளசி நாயர்

'கோ' படத்தில் நடித்த கார்த்திகா, 'கடல்' படத்தில் நடித்த துளசி நாயர் இருவரும், மாஜி நடிகை ராதாவின் கலைவாரிசுகள். இவர்களில் துளசி நாயர் நடித்துள்ள, 'யான்' படம் சமீபத்தில் திரைக்கு வந்திருப்பதையடுத்து, அந்தப் படத்தை பார்க்க வேண்டும் என்பதற்காக, மும்பையில் இருந்து சென்னை வந்திருந்தார் கார்த்திகா. 

அப்போது, முதல் படமான, 'கடல்' படத்தை விட இதில் தன், தங்கை துளசியின் நடிப்பை பார்த்து வியந்து போனாராம் அவர். உடனடியாக, தங்கையை பாராட்டு மழையில் நனைத்து விட்டாராம்; இதனால், சந்தோஷத்தில் இருக்கிறார், துளசி. இதுகுறித்து அவர் கூறுகையில், 'அக்கா ரொம்ப கண்டிப்பானவர். ஏதாவது தப்பு செய்து விட்டால், அவரை பார்த்து நடுங்குவேன். அப்படிப்பட்ட அக்காவிடம் இருந்து எனக்கு பாராட்டு கிடைத்துள்ளதை, பெருமையாக கருதுகிறேன்' என்கிறார்

நடிகைகளுக்குஅட்வைஸ் செய்யும் த்ரிஷா

த்ரிஷாவின், கடந்த 10 ஆண்டு கால சினிமா கேரியரில், நயன்தாரா உள்ளிட்ட சில நடிகைகளுடன் எதிரும், புதிருமாகத் தான் இருந்து வந்தார்; ஆனால், இப்போது ரொம்பவே மாறி விட்டார். நயன்தாரா போன்ற முன்னாள் போட்டி நடிகைகளுடன் பகை மறந்து, நட்பு வளர்த்து வருகிறார். 

அதேபோல், வளர்ந்து வரும் புதுவரவு நடிகைகளுக்கு, நடிப்பு குறித்த, 'டிப்ஸ்' வழங்கி வருகிறார். த்ரிஷா, இப்போது கன்னடத்திலும் பிசியாக நடித்து வருவதால், அங்குள்ள புதுமுக நடிகைகளுக்கும் ஆலோசனைகள் வழங்குகிறாராம். த்ரிஷாவிடம் ஏற்பட்டுள்ள இந்த மாற்றத்தை பார்த்து, வியந்து போயிருக்கிறது கோடம்பாக்கம்

மோனல் கஜ்ஜார் புது முடிவு: முன்னணி நடிகர்களுக்கு துாது

கோடம்பாக்கத்தின், 'மோஸ்ட் வான்டட்' நடிகை என்ற பட்டம், மோனல் கஜ்ஜாருக்கு கிடைத்துள்ளது. குடும்பப் பாங்கான வேடங்களும், கிளாமரான வேடங்களும் தன்னிடம் வந்து குவிவதால், சந்தோஷத்தில் திணறிப் போயுள்ளார். அடுத்ததாக, முன்னணி நடிகர்கள் நடிக்கும் படத்தில் நடித்தால் தான், அடுத்தடுத்த உயரத்துக்கு போக முடியும் என்பதால், அதற்கான முயற்சியில் இறங்கியுள்ளார். 

தனக்கு தெரிந்த இயக்குனர்களிடம், தன் விருப்பத்தை வெளிப்படுத்தியுள்ளாராம். மேலும், குடும்பப் பாங்கான வேடம், கிளாமரான வேடம் என, இரண்டு விதமான வேடங்களிலும் நடித்தால், தனக்கென ஒரு, 'இமேஜ்' கிடைக்காது என்பதால், இனிமேல் ஒப்புக் கொள்ளும் படங்களில், இவை இரண்டில் ஏதாவது ஒரு வேடத்தை மட்டுமே தேர்வு செய்வது என்ற முடிவுக்கு வந்து உள்ளாராம்.

கதையை மாற்றும் நயன்… முழிக்கும் தயாரிப்பாளர்கள்!!?

நயன்தாராவின் மாறுபட்ட நடிப்பில் சமீபத்தில் வெளியான தெலுங்கு படம் அனாமிகா. இந்தியில் வித்யாபாலன் நடிப்பில் வெளிவந்த கஹானி படத்தின் ரீமேக் படம்தான் இது. தமிழில் நீ எங்கே என் அன்பே என்ற பெயரில் வெளியானது.

தனக்கு பெரிய திருப்புமுனையாக இந்த படம் இருக்கும் என்று எதிர்பார்த்தார் நயன். ஆனால், ஏற்கனவே கஹானி இந்தியா முழுக்க வெற்றிகரமாக ஓடியதால், தென்னிந்தியாவில் அப்படத்துக்கு பெரிய வரவேற்பு கிடைக்கவில்லை. இதனால் ஹீரோயினை மையப்படுத்தும் கதைகளில் நயனை நடிக்க வைக்க எந்த இயக்குனரும் முன்வரவில்லை. அதனால் மீண்டும் தனது வழக்கமான பாணிக்கே திரும்பி தனி ஒருவன், நண்பேன்டா போன்ற படங்களில் நடித்துக்கொண்டிருக்கிறார்.

எனினும் தன்னிடம் கதை சொல்ல வந்த சில புதுமுக டைரக்டர்களிடம், ஒரே மாதிரியாக டூயட் பாடி எனக்கு போரடித்து விட்டது. அதனால் ஹீரோயினுக்கு முக்கியத்துவம் உள்ள கதையாக கூறுங்கள், அதில் இரண்டு சண்டை காட்சிகளாவது இருக்கும்படியாக கதை பண்ணுங்கள் என்று கூறுகிற நயன், அப்படி நீங்கள் கதையுடன் வந்தால் எவ்வளவு கால்சீட் வேண்டுமானாலும் தருகிறேன் என்று கூறியுள்ளாராம்.

அதனால் கவர்ச்சியாக நடிக்க கால்சீட் கேட்க சென்றவர்கள், இப்படி கதையையே மாற்றச்சொல்கிறாரே என்ன செய்வது என்பது புரியாமல் தயாரிப்பாளர்களிடம் நயன்தாராவின் விருப்பத்தை கூறி வருகின்றனர். ஆனால் அனாமிகா கொடுத்த தோல்வியை பார்த்து தயாரிப்பாளர்கள் நன்தாராவுக்கு என்ன பதில் சொல்வது என்பது புரியாமல் முழித்து வருகின்றனர்.
 
Support : Creating Website | Johny Template | Mas Template
Copyright © 2011. tamiltvshows - All Rights Reserved
Template Created by Creating Website Published by Mas Template
Proudly powered by Free Blogger Template