New Videos from Youtube
Showing posts with label Srilanka1. Show all posts
Showing posts with label Srilanka1. Show all posts

அவுஸ்திரேலியா பயண எச்சரிக்கை

இலங்கைக்கு செல்லும் தமது நாட்டு பொதுமக்களுக்கு அவுஸ்திரேலியா பயண எச்சரிக்கையை விடுத்துள்ளது

எதிர்வுகூறமுடியாத பாதுகாப்பு சூழ்நிலை அடிப்படையில் இந்த எச்சரிக்கை விடுக்கப்பட்டுள்ளது

கடந்த ஒக்டோபர் 15ஆம் திகதியில் இருந்து வெளிநாட்டு கடவுச்சீட்டுகளை கொண்டிருப்போர் வடக்குக்கு செல்லவேண்டுமாயின் பாதுகாப்பு அமைச்சின் அனுமதியை பெறவேண்டும் என்று அறிவுறுத்தப்பட்டுள்ளது

இதனையடுத்தே அவுஸ்திரேலியா தமது நாட்டு மக்களுக்கு பயண அறிவுறுத்தலை விடுத்துள்ளது.

வடக்கில் சீரற்ற காலநிலையால் 342 குடும்பங்கள் பாதிப்பு

யாழ். மாவட்டத்தில் தொடர்ச்சியாக பெய்யும் பலத்த மழையினால் 342 குடும்பங்களைச் சேர்ந்த சுமார் ஆயிரம் பேர் பாதிக்கப்பட்டுள்ளனர்.

வட மாகாணத்தில் நேற்றிரவு பலத்த மழை பெய்ததாக இடர் முகாமைத்துவ நிலையத்தின் பிரதிப் பணிப்பாளர் பிரதீப் கொடிப்பிலி தெரிவித்தார்.

யாழ்ப்பாணத்தில் பெய்துவரும் மழையினால் மக்களின் இயல்வு வாழ்க்கை பெரிதும் பாதிக்கப்பட்டுள்ளது.

மின்னல் தாக்கத்தினால் கிளிநொச்சி மாவட்டத்தில் இருவர் காயமடைந்ததாக இடர் முகாமைத்துவ நிலையம் குறிப்பிடுகின்றது.

இதேவேளை, மலையகத்தின் பல்வேறு பகுதிகளிலும் மழை பெய்துவருவதால், பண்டிகைக்கான பொருட் கொள்வனவில் ஈடுபட்டுள்ளவர்கள் பெரிதும் பாதிக்கப்பட்டுள்ளனர்.

இதேவேளை, இன்று காலை 8.30 உடன் நிறைவடைந்த 24 மணித்தியாலங்களில் பொலன்னறுவையில் அதிகளவிலான 183 மில்லிமீற்றர் மழைவீழ்ச்சி பதிவாகியுள்ளது.

காலியில் 91.2 மில்லிமீற்றர் மழைவீழ்ச்சியும், பண்டாரவளையில் 79 மில்லிமீற்றர் மழைவீழ்ச்சியும், மொனராகலையில் 54 மில்லிமீற்றர் மழைவீழ்ச்சியும் பதிவாகியுள்ளதாக வளிமண்டலவியல் திணைக்களம் எதிர்வுகூறியுள்ளது.

இதேவேளை, மழை நீரைப் பயன்படுத்தி விவசாய நடவடிக்கைகளை ஆரம்பிக்குமாறு விவசாயத் திணைக்களத்தின் திட்டமிடல் மற்றும் பயிற்சி பணிப்பாளர் ஆர்.எஸ் விஜேசேகர விவசாயிகளிடம் கேட்டுக்கொண்டுள்ளார்.

கடந்த 9 மாதங்களாக வறட்சி நிலவியதால், நீர்த்தேக்கங்களின் நீர்மட்டம் அதிகரிப்பதற்கு நீண்டகாலம் எடுக்குமென அவர் சுட்டிக்காட்டினார்.

எனவே, நேரத்தை வீணடிக்காது செய்கை நடவடிக்கைகளை ஆரம்பிக்குமாறு விவசாயிகளுக்கு அறிவுறுத்தப்பட்டுள்ளது.

இதேவேளை, நாட்டின் பெரும்பாலான பகுதியில் பிற்பகல் அல்லது இரவு வேளையில் இடியுடன் கூடிய மழை பெய்வதற்கான சாத்தியங்கள் காணப்படுவதாக வளிமண்டலவியல் திணைக்களம் எதிர்வுகூறியுள்ளது.

த.தே.கூ உறுப்பினர்களுக்கு எதிராக வழக்கு

இலங்கை அரசியல்யாப்பை மீறும் வகையில் ஐக்கிய நாடுகளின் மனித உரிமைகள் ஆணையாளருக்கு கடிதமொன்றை அனுப்பிய வட மாகாண சபையின் தமிழ் தேசியக் கூட்டமைப்பின் உறுப்பினர்களுக்கு தண்டனை வழங்குமாறு கோரி தாக்கல் செய்யப்பட்டுள்ள மனுவொன்று தொடர்பாக விளக்கமளிக்குமாறு இலங்கை மேன்முறையிட்டு நீதிமன்றம் சட்ட மா அதிபருக்கு உத்தரவிட்டுள்ளது.

நாட்டுப் பற்றுள்ள தேசிய அமைப்பினால் தாக்கல் செய்யப்பட்ட மனுவொன்றை ஆராய்ந்த பின்னரே நீதிமன்றம் இந்த உத்தரவை பிறப்பித்ததாக அந்த அமைப்பின் தலைவர் ரவீந்திர நிரோஷன் தெரிவித்தார்.
அண்மையில் வட மாகாண சபையில் அங்கம் வகிக்கும் தமிழ் தேசியக் கூட்டமைப்பின் உறுப்பினர்கள் ஐக்கிய நாடுகளின் அப்போதைய மனித உரிமைகள் ஆணையாளர் நவநீதம் பிள்ளை அவர்களுக்கு கடிதமொன்றை அனுப்பியிருந்தனர்.

அந்த கடிதத்தில் இலங்கையில் தமிழ் மக்கள் படுகொலை செய்யப்பட்டதாக
குற்றஞ்சாட்டப்பட்டிருந்தது. அத்துடன் தமிழ் மக்களுக்கு சொந்தமான பாரம்பரிய நிலங்களை இலங்கை இராணுவம் பலவந்தமான முறையில் கையகப்படுத்தி வருவதாகவும் குற்றச்சாட்டுக்கள் சுமத்தப்பட்டிருந்தன.

இந்தக் குற்றச்சாட்டுக்கள் பொய்யானவை என்று கூறியுள்ள மனுதாரர், இந்தப் பொய்யான குற்றச்சாட்டுக்களை சுமத்தியதன் மூலம் சம்பந்தப்பட்ட மாகாண சபை உறுப்பினர்கள் இலங்கை அரசியல் யாப்பை மீறியுள்ளதாக தெரிவித்துள்ளனர். அவர்களுக்கு இலங்கை குற்றவியல் சட்டத்தின் கீழ் தண்டனைகளை பெற்றுக்கொடுக்க முடியுமென்றும் அவர்கள் தெரிவித்துள்ளார்.

சமர்ப்பிக்கப்பட்ட மனுவை ஆராய்ந்த நீதிமன்றம் இந்த மனுவை
தொடர்ந்து விசாரணைக்கு எடுக்க முடியுமா என்பது தொடர்பாக எதிர்வரும் 30 திகதி விளக்கமளிக்குமாறு சட்ட மா அதிபருக்கு உத்தரவிட்டுள்ளது.
இந்த மனுவில் பிரதிவாதிகளாக வட மாகாண முதலமைச்சர் தவிர்ந்த ஏனைய தமிழ் தேசியக் கூட்டமைப்பின் உறுப்பினர்கள் குறிப்பிடப்பட்டுள்ளனர்.

இந்திய அமைதிப்படையால் கொல்லப்பட்ட மக்களுக்கு அஞ்சலி

இந்திய அமைதிப்படையின் துப்பாக்கி சூட்டுக்கு இலக்காகி பலியான யாழ். போதனா வைத்தியசாலை பணியாளர்களின் 27 ஆவது நினைவுதினம் இன்று அனுஸ்டிக்கப்பட்டது.

யாழ். போதனா வைத்தியசாலையில் அவர்கள் படுகொலை செய்யப்பட்ட இடத்தில் இன்று காலை 10 மணியளவில் இந் நிகழ்வு நடைபெற்றது.

இந்திய அமைதிப்படையினர் 1987ஆம் ஆண்டு ஒக்டோபர் 21 மற்றும் 22ஆம் திகதிகளில் யாழ். போதனா வைத்தியசாலைக்குள் புகுந்து மேற்கொண்ட துப்பாக்கி பிரயோகத்தின் போது வைத்தியர்கள், தாதியர்கள், உத்தியோகஸ்தர்கள் மற்றும் நோயாளிகள் அடங்கலாக 68 பேர் பலியாகினர்.

அதில் வைத்தியசாலையில் கடமையில் இருந்த வைத்தியர்கள், தாதியர்கள் மற்றும் வைத்தியசாலை பணியாளர்கள் 21 பேர் பலியாகினர். அவர்களின் நினைவுதினமே இன்று அனுஸ்டிக்கப்பட்டது.

இந் நிகழ்வில் வைத்தியசாலை வைத்தியர்கள், தாதியர்கள், ஓய்வுபெற்ற வைத்தியசாலை பணியாளர்கள், உயிரிழந்தவர்களின் உறவினர்கள் உள்ளிட்ட பலரும் கலந்துகொண்டனர்.






தர்மபுரம் நெத்தலி ஆற்றங்கரையில் சடலம் மீட்பு

கிளிநொச்சி-தர்மபுரம் நெத்தலி ஆற்றங்கரையில் இருந்து குடும்பஸ்தர் ஒருவர் சடலமாக மீட்கப்பட்டுள்ளார். இது தொடர்பில் தெரிய வருவதாவது,

குறித்த ஆற்றங்கரையில் நேற்று முன்தினம் காலை 9 மணியளவில் 52 வயது மதிக்கத்தக்க குடும்பஸ்தர் ஒருவரின் சடலம் இருப்பதாக அப்பகுதி மக்களால் தர்மபுரம் பொலிஸா ருக்கு தகவல் வழங்கப்பட்டது.

இதனையடுத்து அப்பகுதிக்கு விரைந்த பொலிஸார் சடலத்தை மீட்டதுடன் கிளிநொச்சி மாவட்ட வைத்தியசா லைக்கு அனுப்பி வைத்தனர்.

அத்துடன் சடலமாக மீட்கப்பட்டவர் திருகோணமலையில் சேர்ந்த லூகா (வயது-52) எனவும் கடந்த சில மாதங்களாக அப்பகுதியில் தங்கியிருந்து கூலித் தொழில் செய்து வந்ததாகவும் ஆரம்பகட்ட விசாரணைகளில் தெரிய வந்துள்ளது. இவர் தொடர்பான விசாரணைகள் தொடர்ந்து இடம்பெற்று வருவதாக தர்மபுரம் பொலிஸார் தெரிவித்தனர்.

பல்கலை மாணவர்கள் தாக்குதலுடன் தொடர்புடைய ஐவர் கைது

சப்ரகமுவ பல்கலைக்கழக மாணவர்கள் மீது தாக்குதல் நடத்திய சந்தேகத்தின் பேரில் இம்புல்கமுவ பிரதேச சபை உறுப்பினர் உள்ளிட்ட ஐவர் கைது செய்யப்பட்டுள்ளதாக பலாங்கொடை பொலிஸார் தெரிவித்தனர்.

மாணவர்களின் பிரச்சினைக்கு தீர்வு கோரி சப்ரகமுவ பல்கலைக்கழக மாணவர்கள் பம்பகின்ன சந்தியில் சத்தியாக்கிரம் இருந்து வந்தனர்.

இந்த இடத்திற்குச் சென்ற குண்டர்கள் மாணவர்கள் மீது தாக்குதல் நடத்தியதோடு சத்தியாக்கிரக பந்தலையும் தீவைத்து எரித்தனர்.

தாக்குதலில் பாதிக்கப்பட்ட மாணவர்கள் சிகிச்சைக்காக வைத்தியசாலையில் சேர்க்கப்பட்டனர்.

இந்நிலையில் தாக்குதல் நடத்தப்பட்டு ஒருவாரத்திற்குப் பின்னர் சந்தேகநபர்கள் கைது செய்யப்பட்டுள்ளனர்.

தேசிய தலைவருக்கு ஆதரவை வழங்குவது என ஜாதிக ஹெல உறுமய தீர்மானம்

ஜாதிக ஹெல உறுமய அரசாங்கத்திடம் முன்வைத்துள்ள 7 விடயங்கள் அடங்கிய யோசனைகளை நிறைவேற்றாது ஜனாதிபதித் தேர்தலை நடத்தினால், மஹிந்த ராஜபக்ஷவுக்கோ, ரணில் விக்ரமசிங்கவுக்கோ ஆதரவு வழங்காது மூன்றாவது வேட்பாளருக்கு ஆதரவு வழங்கப்படும் என அக்கட்சி தெரிவித்துள்ளது.

இம்முறை ஜனாதிபதித் தேர்தலில் யார் வெற்றி பெறுவார் என்பதை தீர்மானிப்பது ஹெல உறுமயவே என ஜாதிக ஹெல உறுமயவின் உப செயலாளர் உதய கம்மன்பில தெரிவித்தார்,

மகரகம தேசிய இளைஞர் சேவைகள் மன்றத்தில் நேற்று நடைபெற்ற ஜாதிக ஹெல உறுமயவின் மாநாட்டில் உரையாற்றிய போதே அவர் இவ்வாறு கூறினார்.

அரசியல் கலாச்சாரம், அரச நிர்வாகம், சட்டம், நீதி, நல்லாட்சி, புத்தசாசனம், மத விவகாரம், சிங்கள உரிமை, பொருளாதார அபிவிருத்தி உள்ளிட்ட யோசனைகளுக்கு கட்சியின் பிரதிநிதிகள் இதன்போது அங்கீகாரம் வழங்கினர்.

அங்கீகரிக்கப்பட்ட 21 யோசனைகள் ஜனாதிபதியிடம் கையளிக்கப்பட்டு அவரது நிலைப்பாடு குறித்து கேட்டறியப்பட உள்ளதாகவும் இந்த யோசனைகளை ஏற்றுக்கொண்ட பின்னர் ஜனாதிபதி தேர்தலை நடத்த நடவடிக்கை எடுக்க வேண்டும் என்றும் அப்படியில்லை எனில் புதிய தேசிய தலைவருக்கு ஆதரவை வழங்குவது எனவும் ஜாதிக ஹெல உறுமய தீர்மானித்துள்ளது.

இந்நிகழ்வில் உரையாற்றிய ஜாதிக ஹெல உறுமயவின் பாராளுமன்ற உறுப்பினர் அத்துரலியே ரத்தின தேரர், ஜனாதிபதி மஹந்த ராஜபக்ஷவும் அரசாங்கமும் வானத்தில் இருக்கும் நட்சத்திரங்களை பார்ப்பதற்கு முன்னர் தரையில் இருக்கும் துளைகளை பார்க்க வேண்டும் என தெரிவித்துள்ளார்.

அடுத்த வருடம் ஜனாதிபதித் தேர்தலை நடத்துவதற்கு முன்னர் அரசாங்கம், ஜாதிக ஹெல உறுமய முன்வைத்துள்ள யோசனைகள் உட்பட சகலவற்றையும் உள்ளடக்கிய அரசியல் அமைப்புச் சட்டத்தில் திருத்தங்களை கொண்டு வர வேண்டும் என அவர் வலியுறுத்தியுள்ளார்.

ஜனாதிபதி மஹிந்த ராஜபக்ஷ முன்கூட்டியே தேர்தலை நடத்த உள்ளதாகவும் இது நேரத்தை அடிப்படையாக கொண்டது அல்ல. ஜாதகத்தை அடிப்படையாக கொண்டது என அத்துரலியே ரத்தின தேரர் குறிப்பிட்டுள்ளார்.

நீதித்துறை சுதந்திரத்தை உறுதிப்படுத்துவது உட்பட முக்கிய பிரச்சினைகளுக்கு தேர்தலுக்கு முன்னர் தீர்வுகாணப்பட வேண்டும் எனக்கூறியுள் அவர், நியாயமற்ற வகையில் ஜனாதிபதியின் பொறுப்பின் கீழ் உள்ள அமைச்சுக்களுக்கு அதிகளவான நிதி கிடைப்பதுடன் ஏனைய அமைச்சுக்கள் உரிய முறையில் செயற்படுவதில்லை என்றும் அவர் குற்றம் சுமத்துயுள்ளார்.

அரசாங்கம் தாங்கள் கூறுவதை கேட்பதில்லை என்றும் சர்வாதிகாரிகளினால் இயக்கப்படுவதாகவும் பணத்தை சம்பாதிப்பது மாத்திரமே அவர்களின் நோக்கம் என்றும் தேரர் தெரிவித்துள்ளார்.

ஜனாதிபதித் தேர்தலை அறிவிப்பதற்கு முன்னர் ஜனாதிபதி மஹிந்த ராஜபக்ஷ, ஜாதிக ஹெல உறுமய முன்வைத்துள்ள யோசனைகள் தொடர்பில் கவனம் செலுத்தினால் அவருக்கு ஆதரவு வழங்க தயார் என அத்துரலியே ரத்தின தேரர் குறிப்பிட்டுள்ளார்.

ஆயுதப் போராட்டம் தோற்றதால் அகிம்சைப் போராட்டம், சேனாதிராஜா

“தமிழீழ விடுதலைப்புலிகள் மீதான தடையை ஐரோப்பிய ஒன்றியம் நீக்குவது அவசியம் என்று ஐரோப்பிய ஒன்றிய நீதிமன்றம் தீர்ப்பு வழங்கியதை தமிழ்த் தேசியக் கூட்டமைப்பு மனதார வரவேற்கின்றது.” இவ்வாறு தமிழ்த் தேசியக் கூட்டமைப்பின் பொதுச் செயலாளரும் இலங்கைத் தமிழரசுக் கட்சியின் தலைவருமான மாவை சேனாதிராஜா தெரிவித்தார்.

ஐரோப்பிய ஒன்றிய நீதிமன்றம், தமிழீழ விடுதலைப்புலிகள் அமைப்பு மீதான நீதியான – நியாயமான விடயங்களை ஆராய்ந்து அந்நாட்டு சட்டங்களுக்கு அமைவாக தடையை நீக்கியுள்ளது என்றும் அவர் குறிப்பிட்டார்.

தமிழர் தாயகப் பகுதியில் நில அபகரித்து மக்களுடைய பண்பாட்டு விழுமியங்களை சிதைத்து இருப்பையும் தனித்துவமான அடையாளங்களையும் சிதைக்கும் நடவடிக்கைகளுக்கு எதிரான அகிம்சைப் போராட்டம் திட்டமிட்டபடி தைத்திங்கள் நாளில் நடைபெறும் என தமிழ்தேசிய கூட்டமைப்பின் செயலாளர் மாவை சேனாதிராசா தெரிவித்தார். 

தமிழரசுக் கட்சியின் யாழ். மாவட்ட மாநாடு நல்லூர் இளங்கலைஞர் மண்டபத்தில் நேற்று நடைபெற்றது. அதில் கலந்து கொண்டு உரையாற்றும் போதே மேற்கண்டவாறு தெரிவித்தார். அவர் மேலும் தெரிவிக்கையில், போருக்கு முன்னர் தமிழரசுக் கட்சியின் மகாநாடு நடைபெற்றதைப் போல போர் முடிந்து 5 வருடங்களின் பின்னரும் வெகு சிறப்பாக நடைபெற்றுள்ளது. கடந்த 60 ஆண்டுகளை விட ஆயுதப் போராட்டம் முடிவுற்றதாக மகிந்த அரசினால் அறவிக்கப்பட்டு 5 ஆண்டுக்குள் அரசினால் பௌத்த தீவிர வாத சக்திகளாலும் தமிழர் தாயகப்பகுதியில் உள்ள நிலம், இனம், மொழி, பண்பாடு, கலாச்சாரம் என்பன சீர்குலைக்கப்பட்டுள்ளன. 

எனவே வடக்கு கிழக்கு தமிழர் தாயகத்தில் தமிழ் மக்களுடைய நிலங்களை அபகரித்து தமிழ் மக்களுடைய பண்பாட்டு விழுமியங்களை சிதைத்தும் தமிழ் இனத்தின் இருப்பையும் அடையாளங்களையும் சிதைக்கும் நடவடிக்கைக்கும் எதிராக அகிம்சை வழிப்போராட்டம் தைத்திங்களில் நடைபெறும். தமிழ் தேசியக் கூட்டமைப்பு , சிங்கள முற்போக்கு சக்திகள் மற்றும் சிவில் சமூக அமைப்புக்களுடன் பேச்சுவார்த்தை நடாத்துவதற்கான முயற்சிகள் முன்னெடுக்கப்பட்டுள்ளன. 

அத்துடன் கிராமங்கள் தோறும் மக்கள் சந்திப்புக்களை நடாத்தி மக்களுக்கு தெளிவுபடுத்தும் நடவடிக்கைகளில் ஈடுபடவும் நடவடிக்கை எடுக்கப்பட்டுள்ளது. நாங்கள் மகிந்த தேர்தலில் வெல்ல வேண்டும் என்றோ அல்லது தோற்க வேண்டும் என்றோ தீர்மானங்கள் எடுக்கவில்லை. எமது மக்கள் தமிழர்களாக அவர்களுக்கு உரிய அதிகாரங்களுடன் வாழ வேண்டும் என்று தான் எமது செயற்பாடுகளை மேற்கொண்டு வருகின்றோம். ஆயுதப்போராட்டம் களத்தில் தோற்றுவிடலாம் ஆனால் அகிம்சைப் போராட்டம் ஒரு போதும் தோற்காது என அவர் மேலும் தெரிவித்தார்.

மாளிகாவத்தையில் பதற்றம், போலிஸ் குவிப்பு

கொழும்பு-10, மாளிகாவத்தை பகுதியிலுள்ள கடற்றொழில் மற்றும் நீரியல் வளங்கள் அபிவிருத்தி அமைச்சுக்கு முன்பாக பதற்றமான நிலைமையொன்று ஏற்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.


சுமார் 500ற்கும் மேற்பட்ட மீனவர்கள் அமைச்சுக்கு முன்பாகக் கூடி ஆர்ப்பாட்டம் செய்து வருவதால் இந்த பதற்ற நிலை ஏற்பட்டுள்ளது.

ஆர்ப்பாட்டக்காரர்கள் மத்தியில் கல்வீச்சுத் தாக்குதல் நடத்தப்பட்டதால் பதற்றம் அதிகரித்துள்ளதாக எமது செய்தியாளர் தெரிவிக்கின்றார்.

மட்டக்களப்பில் தாய்ப்பால் புரக்கேறி குழந்தை மரணம்

மட்டக்களப்பு மாவட்டத்தின் வாகரை மாங்கேணி பாம் கொலனியில் பிறந்து 03 நாட்களேயான சிசுவொன்று தாய்ப்பால் புரைக்கேறி உயிரிழந்த பரிதாப சம்பவமொன்று இடம்பெற்றுள்ளது.

இச்சம்பவம் நேற்று ஞாயிற்றுக்கிழமை இடம்பெற்றதாக வாழைச்சேனை பொலிஸார் தெரிவித்தனர்.

கடந்த 17ஆம் திகதி வாழைச்சேனை மாவட்ட வைத்தியசாலையில் இந்த சிசு பிறந்தது. சுகப்பிரசவத்தின் பின்னர் தாயும் சிசுவுமாக வைத்தியசாலையிலிருந்து வெளியேறி வீடு சென்றனர்.

தாய்ப்பால் அருந்திக்கொண்டிருந்த சிசு திடீரென்று வீரிட்டுக் கத்தியதுடன் மயக்கமடைந்தது. உடனடியாக சிசுவை வாழைச்சேனை வைத்தியசாலைக்கு கொண்டுசென்றபோது வட்டவான் பகுதியில் முச்சக்கரவண்டி பழுதடைந்தது.

இந்நிலையில் முச்சக்கரவண்டியை திருத்திக்கொண்டு வைத்தியசாலையில் சிசுவை அனுமதித்தபோது சிசு உயிரிழந்துவிட்டதாக வைத்தியசாலையில் தெரிவிக்கப்பட்டதாக உறவினர்கள் கூறினர்.

உயிரிழந்தது தனது முதலாவது குழந்தை என்பதால் தாய் ரீ.ரூபாஜினி செய்வதறியாது தவித்துக் கொண்டிருக்கிறார்.

ஜனவரி மாதம் ஜனாதிபதித் தேர்தல் நடைபெறுவது உறுதி

எதிர்வரும் வருடம் ஜனவரி மாதம் ஜனாதிபதித் தேர்தல் நடைபெறுவது உறுதி என்றும் 24ஆம் திகதி வரவு செலவுத் திட்டம் பாராளுமன்றில் சமர்பிக்கப்படும் என்றும் ஊடகத்துறை அமைச்சர் கெஹலிய ரம்புக்வெல்ல தெரிவித்தார்.

கண்டி - குண்டசாலை தொகுதி அபிவிருத்திக் குழு கூட்டத்தில் உரையாற்றிய போதே அமைச்சர் இவ்வாறு தெரிவித்தார்.

24ம் திகதி வரவு செலவுத் திட்டம் பாராளுமன்றில் சமர்பிக்கப்படவிருப்பதால் கண்டி - கொழும்பு அதிவேக நெடுஞ்சாலை அடிக்கல்நாட்டு விழா பிற்போடப்பட்டுள்ளதாவும் இத்திட்டத்திற்கு பணம் ஒதுக்கப்பட்டுள்ளதால் திட்டம் கட்டாயம் செயற்படுத்தப்படும் என்றும் அமைச்சர் குறிப்பிட்டார்.

இதேவேளை, ஜனவரி மாதம் ஜனாதிபதித் தேர்தல் நடைபெறும் என்றும் திகதி தனக்கு தெரிந்தாலும்கூட தற்போது அறிவிப்பது உகந்ததல்ல என்றும் அமைச்சர் கெஹலிய ரம்புக்வெல்ல தெரிவித்தார்.

உள்நாட்டு மற்றும் சர்வதேச அழுத்தங்கள், சவால்களுக்கு முகங்கொடுக்கக்கூடிய ஒரே தலைவர் மஹிந்த ராஜபக்ஷ என்பதால் கட்சி பேதமின்றி அனைவரும் அவரை வெற்றிபெறச் செய்ய வேண்டும் என அமைச்சர் கூறினார்.

ராஜபக்ஷவை பதவியில் இருந்து அகற்ற சர்வதேச சூழ்ச்சி நடைபெறுவதை ஐரோப்பாவில் புலிகள் அமைப்புக்கு தடை விதிக்கப்பட்டதன் மூலம் அறிந்து கொள்ள முடிவதாக அமைச்சர் சுட்டிக்காட்டினார்.

இதேவேளை, மலையகத்தில் தமிழ் தோட்டத் தொழிலாளர்களுக்கு வழங்கப்பட்டுள்ள வசதிகள் கூட நகர்பகுதி சிங்களவர்களுக்கு வழங்கப்படவில்லை என்று தெரிவித்த அமைச்சர், இதை சொல்வதால் தன்னை இனவாதி எனக் கருத வேண்டாம் என்றும் தான் யதார்த்தத்தையே கூறுவதாகவும் குறிப்பிட்டார்.

முஸ்லிம் காங்கிரஸ், தேர்தலில் மகிந்தவுக்கு ஆதரவு

ஸ்ரீலங்கா முஸ்லிம் காங்கிரஸ் 2010ஆம் ஆண்டு ஜனாதிபதி தேர்தலின் போது செய்த தவறை அடுத்த ஜனாதிபதி தேர்தலின் போது செய்யாது என்று தான் நம்புவதாக தேசிய வீடமைப்பு மற்றும் பொறியியல் நிர்மாண அமைச்சரும் தேசிய சுதந்திர முன்னணியின் தலைவருமான விமல் வீரவன்ச தெரிவித்தார்.

2005, 2010ஆம் ஆண்டுகளில் நடைபெற்ற ஜனாதிபதித் தேர்தலின்போது எமது கட்சி ஆதரவளித்தது போல யுத்த வெற்றி மற்றும் அபிவிருத்திக்காக் தொடர்ந்து மஹிந்த ராஜபக்ஷவுக்கே ஆதரவளிக்கும் என்றும் அவர் கூறினார்.

பத்தரமுல்லையில் உள்ள தேசிய சுதந்திர முன்னணியின் அலுவலகத்தில் நேற்று ஞாயிற்றுக்கிழமை நடைபெற்ற ஊடகவியலாளர் மாநாட்டின்போதே அமைச்சர் மேற்கண்டவாறு தெரிவித்தார்.

அங்கு அவர் தொடர்ந்து உரையாற்றுகையில்,

ஐரோப்பிய ஒன்றியம், பயங்கரவாத எதிர்ப்பு தடைகளை அண்மையில் இரத்து செய்தது. எதிர்கட்சித் தலைவர் ரணில் விக்கிரமசிங்க ஐரோப்பிய விஜயத்தின் வெளிப்பாடே இதுவாகும் என்றும் அவர் தெரிவித்தார்.

தேர்தல் காலத்தில் அவர் அடிக்கடி வெளிநாடுகளுக்குச் சென்று சில இரகசிய விடயங்களை செய்வது வழக்கம்.

ரணில் விக்கிரமசிங்க ஐரோப்பிய நாடுகள் மட்டுமல்ல மலேசியாவுக்கும் சென்று அந்த நாட்டில் இயங்கும் விடுதலைப்புலிகளை சந்திக்க இருந்துள்ளார் என்பதை அரசாங்கம் அறிந்து வைத்துள்ளது.

அது மட்டுமல்ல ரணில் விக்கிரமசிங்க பதவிக்கு வந்தால் வடக்கில் ஒர் ஆட்சியும் தெற்கில் ஒர் ஆட்;சியும் இல்லாமல் முழு இலங்கையிலும் 13ஆவது சரத்தை நடைமுறைப்படுத்துவதாக சொல்லியிருந்தார்.

அவருடைய காலத்தில்தான் வடக்கின் ஆட்சியை புலிகளிடம் முழுமையாக கையளித்திருந்தார்.

வடக்கில் ஒர் ஆட்சியும் தெற்கில் ஓர் ஆட்சியும் நடைமுறையில் இருந்தது. தற்பொழுது ஜனாதிபதியின் கீழ் ஒரு நாடு ஓர் ஆட்சி சகலருக்கும் சமமான அபிவிருத்திகள் நடைபெற்று வருகின்றன.

தமிழர்கள் ஆதரவளிக்கும் ஜனாதிபதி பதவிக்கு வந்தால் வடக்கில் உள்ள சகல புத்தர் சிலைகளும் அகற்றப்படுமாம் அத்துடன் ஒரு வாரத்துக்;குள் வடக்கில் உள்ள இராணுவத்தை வெளியேற்றுவதாக கூறியுள்ளனர். தமிழ்த் தேசியக் கூட்டமைப்பின் வட மாகாண சபை உறுப்பினர் எம்.கே. சிவாஜிலிங்கம் அண்மையில் கூறியிருந்தார்.

ஆனால், நாடாளுமன்ற உறுப்பினர் சுமந்திரன், ஈழம் அமைத்து நாட்டை பிரிவினைவாத்துக்கு எத்தனிக்கமாட்டோம் என நீதிமன்றத்தின் ஊடாக சொல்லியிருந்தாலும் அவர்களது பெட்ரல் சுயாட்சி திட்டம் உள்ளது. இது இருதியில் பிரிவினைக்கே கொண்டு செல்லும்.

ஜே.வி.பியினர் அரச அதிகாரி ஜெனீவாவில் தூதுவர் ஆலயத்தை புரணமைக்கும் கடதாசிகளை தூக்கிக்கொண்டு தாக்கின்றனர்.

ஆனால், ஜரோப்பிய ஒன்;றியம் விடுதலைப்புலிகளை பயங்கரவாத பட்டியலில் இருந்து இரத்துச் செய்தமை, சிவாஜிலிங்கத்தின் மேற்சொன்ன கதைகளுக்கு ஆகக் குறைந்தது ஓர் அறிக்கையைக் கூட வெளியிடவில்லை. அவர்களும் சர்வதேசத்தில் உள்ள விடுதலைப்புலிகளிளுடன் சேர்ந்துவிட்டனர்.

எமது கட்சி ஒருபோதும் தற்போதைய நிலைமையில் உள்ள ஜனாதிபதி முறைமை நீக்குதென்றால் இது தர்ணம் அல்ல மூன்றில் இரண்டு பெரும்பான்மை கொண்ட நாடாளுமன்றத்தின் பதவிக்காலம் நிறைவடைவதற்கு இன்னும் 2 வருடங்கள் உள்ளன.

அதில் முழுநாட்டுக்கும் பூரணமானதொரு அரசியலமைப்பை மாற்றுவதற்கே எமது கட்சி ஏற்கெனவே கோரிக்கை விடுத்துள்ளது.

இலங்கையின் தற்போதைய அரசுக்கும் ஜனாதிபதிக்கும் எதிராக உலகளாவிய ரீதியில் மலேசியாவிலும் ஜரோப்பாவிலும், அமெரிக்காவிலும் ருத்திரகுமாரன் செயற்படுகின்றார். இமானுவேல் மற்றும் ராயப்பு ஜோசப் ஆகியவர்கள் கொண்ட கிறிஸ்த்தவ பாரதியார்கள் கொண்ட அமைப்பும் உலகளாவியரீதியில் செயற்படுகின்றது.

தமிழ்த்தேசியக் கூட்டமைப்பும் ஸ்ரீலங்கா முஸ்லிம் காங்கிரஸும் வட-கிழக்கு அரசியல் மற்றும் தேர்தல்களின்போது எதிர்காலத்தில் ஒன்றிணைந்து செயல்படுதவதற்கு பேச்சுவார்த்தை நடாத்தி ஒப்பந்தமொன்றைச் கைச்ச்சாத்திட உள்ளதாக ஊடகங்கள் தெரிவிக்கின்றதே என்று ஊடவியலாளர் வினவியதற்கு அவர் பதிலளிக்கையில்,

கடந்த இரண்டு ஜனாபதித் தேர்தலிலும் தோல்விபெற்ற ஜனாதிபதி வேட்பாளர்களுக்கே முஸ்லிம் காங்கிரஸும் அதன் தலைமையும் ஒன்று சேர்ந்து ஆதரவளித்தது.

அதன் பின் அந்த தவறை மீள செய்யமாட்டோம் என சொல்லித்தான் ஜனாதிபதி மஹிந்தவிடம் வந்து சேர்ந்து அமைச்சுகளையும் பொறுபேற்றனர்.

மீண்டும் இந்த வரலாற்றுத் தவறை இழைக்க மாட்டார்கள் என நம்புகின்றேன். தமிழ் தேசியக் கூட்டமைப்புடன் இணைந்து முஸ்லிம்களை மீளவும் பலிக்காடாக்களாக்கி தோல்விபெறும் ஜனாதிபதி வேட்பாளாருக்கு உதவுவார். என்ற நிலைப்பாட்டுக்கு ரவூப் ஹக்கீமை போகமாட்டார் என நினைக்கின்றேன்.

ஆனால் தமிழ்த் தேசியக் கூட்டமைப்பும் முஸ்லிம் காங்கிரஸும் இவ்வாறு செய்வார்கள் என ஏற்கெனவே பல தடவைகள் அரசுக்கு சொல்லி வந்துள்ளோம் என்றும் அவர் தெரிவித்தார்.

உலகத் தமிழர் பேரவை மீதான தடையை இலங்கை விலக்கும் சாத்தியம்

ஈழத் தமிழர்களின் அரசியல் அபிலாசையான தமிழீழத்தினை கைவிட்டு விட்டதாக உலகத் தமிழர் பேரவை சமீபத்தில் அறிவித்திருந்த நிலையில் அந்த அமைப்பின் மீதான சிறிலங்காவின் தடை விலக்கப்படலாம் என சிங்கள ஊடகம் ஒன்று செய்தி வெளியிட்டுள்ளது.

சிறிலங்காவின் ஒற்றையாட்சிக்குள் பரந்துபட்ட அதிகார பகரிர்வுடன் சிங்களவர்களுடன் இணைந்து வாழ்வதற்கு தாம் தயாரென சமீபத்தில் உலகத் தமிழர் பேரவையின் தலைவர் அருட்தந்தை இமானுவல் அடிகள் மற்றும் அந்த அமைப்பின் பேச்சாளர் சுரேன் சுரேந்திரன் அவர்கள் தெரிவித்திருந்தனர்.

சமீபத்தில் கிளிநொச்சி பயணத்தின் போது தனி ஈழத்தினை கைவிட்டு விட்டு வாருங்கள் என தமிழ் அரசியல் தலைமைகளுக்கு சிறிலங்கா அதிபர் மகிந்த ராஜபக்ச அழைப்பும் விடுத்திருந்தார்.

இந்நிலையில் உலகத் தமிழர் பேரவை தமிழீழத்தினை கைவிட்டு விட்டதான நிலைப்பாடு அவர்கள் மீதான சிறிலங்காவின் தடை விலகலுக்கு வழியமைத்துள்ளதாக சிங்கள ஊடகம் மேலும் தெரிவித்துள்ளது.

இதேவேளை சிறிலங்காவின் எதிர்கட்சித் தலைவரை உலகத் தமிழர் பேரவையின் ஊடகப் பேச்சாளர் சுரேன் சுரேந்திரன் சமீபத்தில் லண்டனில் சந்தித்து உரையாடியிருந்தார்.

ரணில் விக்ரமசிங்கவும் 13வது திருத்தச் சட்டத்துக்கு அமையவே தமிழர்களுக்கான தீர்வு திட்டம் எனவும் அறிவித்துள்ளார்.

இந்நிலையில் தடை விலகும் பட்சத்தில் உலகத் தமிழர் பேரவையின் ஊடகப் பேச்சாளர் சுரேன் சுரேந்திரன் சிறிலங்காவுக்கு வருகை தர வாய்ப்பு உள்ளதாக அந்தச் சிங்கள ஊடகம் மேலும் தெரிவித்துள்ளது.

பாதுகாப்பு அமைச்சின் தடை அதிருப்தியில் மேற்குலகம்!

வடக்கு செல்லும் வெளி நாட்டவர் தமது அனுமதி யைப்பெற்றுத்தான் அங்கு செல்லவேண்டும் என்று பாது காப்பு அமைச்சு விடுத்திருக்கும் அறிவிப்பால் மேற்குலக நாடுகள் அதிருப்தியடைந்துள் ளன என்று மாற்றுக் கொள்கைக ளுக்கான மத்திய நிலையத்தின் பணிப்பாளர் கலாநிதி பாக்கிய சோதி சரவணமுத்து தெரிவித்தார்.

வெளிநாட்டவர் வடக்கு செல்வதற்கு பாதுகாப்பு அமைச்சு விடுத்துள்ள தடை குறித்து கருத்து வெளியிட்டபோதே மேற்கண்டவாறு தெரிவித்த அவர், மேலும் தெரிவித்தவை வருமாறு,
யுத்தம் முடிவுக்குக் கொண்டுவரப் பட்டு 5 வருடங்கள் கடந்துள்ள நிலை யில், பாதுகாப்பு அமைச்சு இவ்வாறான தொரு நடவடிக்கையை எடுத்துள் ளமை புதுமையாக உள்ளது. இலங் கையின் தேசிய பாதுகாப்புக்கு அச்சு றுத்தல் இருக்கின்றதா என்று மேற்குல கத்தினர் கேள்வி எழுப்புகின்றனர். அரசின் இந்த நடவடிக்கையானது மேற் குலக நாடுகளுக்கு அதிருப்தியை ஏற்படுத்தியுள்ளது.

யுத்தத்தின் பின்னர் இலங்கையின் சுற்றுலாத்துறை முன்னேற்றம் கண்டு வருகின்றது. இவ்வாறான நிலையில், வடக்கு செல்லும் வெளிநாட்டவர் பாதுகாப்பு அமைச்சின் அனுமதியுடன் தான் அங்கு செல்ல வேண்டும் என்று அரசு அறிவித்திருப்பது சரியானதல்ல. இதனை ஏற்றுக்கொள்ள முடியாது. இலங்கைக்கு சுற்றுலா செல்ல தாம் தயார். ஆனால், பாதுகாப்பு அமைச் சின் அனுமதியைப் பெற்றுத்தான் வடக்கு செல்லவேண்டும் என்பது தமக்கு விருப்பமில்லை என்று மேற்குலகத்தி னர் கூறுகின்றனர்.

பாதுகாப்பு அமைச்சு விடுத்திருக் கும் தடைக்கமைய, வடக்கிலுள்ள தமது உறவுகளைப் பார்க்கவரும், வெளிநாட்டவர்களும் பாதுகாப்பு அமைச்சின் அனுமதியைப் பெற்றுத்தான் அங்கு செல்லவேண்டும். தமது உறவுகளைக்கூட சுதந்திரமாக சென்று பார்க்க முடியாத அவல நிலை அவர்களுக்கு ஏற்பட்டுள்ளது. இதனை அனுமதிக்க முடியாது -என்றார்.

ஆனந்த சங்கரிக்கு விடுதலைப்புலிகளை பற்றி கதைக்க என்ன அருகதை இருக்கிறது?

தமிழீழ கோரிக்கை கைவிடப்படுமானால் நிறைவேற்று அதிகார முறைமையை கைவிடத் தயாராக இருப்பதாக ஜனாதிபதி தெரிவித்தமையானது நாட்டிலுள்ள மக்கள் பலரின் கவனத்தை ஈர்த்துள்ளது என, வீ ஆனந்த சங்கரி ஜனாதிபதிக்கு எழுதிய கடிதம் ஒன்றில் குறிப்பிட்டுள்ளார்.

அந்தக் கடிதத்தில் அவர் மேலும் குறிப்பிட்டுள்ளதாவது,

மேதகு ஜனாதிபதி அவர்களுக்கு,
எமக்கு வேண்டியது சமாதானம், ஒற்றுமையுடன் கூடிய இணக்கப்பாடு தமிழ் தேசிய கூட்டமைப்பும் புலம்பெயர்ந்த மக்களும் பிரிவினை கோருவதையும், தமிழீழம் அமைப்பதையும் கைவிடுவார்களேயானால் தாங்களும் நிறைவேற்று அதிகார முறைமையை கைவிட தயாராக இருப்பதாக தெரிவித்தமையானது நாட்டிலுள்ள பல்லின மக்கள் பலரின் கவனத்தை ஈர்த்துள்ளது.

ஆனால் ஆதிக்கம் செலுத்துகின்ற புலம்பெயர்ந்தவர்களும் அவர்களில் தங்கியிருந்து செயற்படுகின்ற தமிழ் தேசியகூட்டமைப்பும், இதற்கு சம்மதிக்கத் தயங்குவார்கள். எது எப்பிடியிருப்பினும் தங்களின் கூற்று உறுதியாக இருக்குமானால் இந் நாட்டின் பல்வேறு பிரச்சினைகளை தீர்ப்பதற்கு சாதகமானதொரு நிலைமையை உருவாக்க பலர் தயாராகவே உள்ளனர்.

1970ம் ஆண்டுக்குப் பின்னர் இடம்பெற்ற சில சம்பவங்களை நினைவூட்ட வேண்டுமானால் தமிழ் தேசிய கூட்டமைப்புக்கோ புலம் பெயர்ந்தவர்களில் ஒரு பகுதியினருக்கோ இப்பிரச்சினையில் தலையிடுவதற்கு அருகதையுண்டா இல்லையா என்பதை உங்களால் கண்டுபிடிக்க முடியும்.

எவரும் தமது சொந்த தேவைக்காக நாட்டின் சரித்திரத்தை மாற்றியமைக்க கூடாது. எல்லாப் பிரச்சினைகளிலும் பார்க்க நாட்டின் முக்கிய பிரச்சினை முதலிடம் வகிக்கட்டும்.

தமிழரசு கட்சி, தமிழ் தேசிய கூட்டமைப்பு ஆகிய இரு அமைப்புக்களும் நேர்மையான முறையில் புனரமைப்பு செய்யப்படவில்லை. நான் இந்நாட்டு மக்கள் மீது அக்கறை கொண்டவனாக இருக்கிறேன். எமது மக்கள் எதுவித இன வேறுபாடின்றி சகோதர சகோதரிகளாக வாழ வேண்டும் என்பதே எனது அவா.

முதல் முதல் த.தே.கூட்டமைப்பாக அமைக்கப்பட்ட கட்சிகள் த.வி.கூ, அ.இ.த.கா, ரெலோ, ஈ.பி.ஆர்.எல்.எப் ஆகியவையே அன்றி தமிழரசு கட்சியல்ல. த.தே.கூட்டமைப்பிலிருந்து த.வி.கூட்டணியை நீக்கிவிட்டு 26 ஆண்டுகளாக இயங்காமலிருந்த தமிழரசு கட்சியை சேர்த்துக் கொண்டார்கள்.

ஒன்றுபட்ட இலங்கைக்குள் இனப்பிரச்சினை சம்பந்தமாக பேசி ஓர் உடன்பாட்டுக்கு வருவது சம்பந்தமாக பல்வேறு கட்சிகளின் தலைவர்களை கூட்டி ஒன்றுகூடல் வைப்பதற்கு ஆரம்ப நடவடிக்கையாக சில தலைவர்களுடன் பேச்சுவார்த்தையை ஆரம்பித்துள்ளேன்.

பெரிய கட்சிகளுடன் இணைந்து செயற்படும் சிறு கட்சிகள் இப்பணியில் ஈடுபடுவதற்கு அனுமதி வழங்குமென எதிர்பார்க்கின்றோம். நாம் ஒற்றுமையாக ஏகோபித்த முடிவெடுத்த பின் நேரில் சென்று வன்முறையையும் பிரிவினையையும் கைவிடுமாறு பல்வேறு கட்சிகளுக்கு அழுத்தம் கொடுப்பதோடு சமாதானமாகவும் ஒற்றுமையாகவும், அமைதியாகவும் வாழக்கூடியவொரு நாட்டை உருவாக்கி அதில் சகலரும் சமவுரிமையோடு வாழ வழிவகுப்போம், என அந்தக் கடிதத்தில் தெரிவிக்கப்பட்டுள்ளது.


இவரை போன்ற நய வஞ்சகர்களால் தான் தமிழினம் என்னும் விடிவு பெறாமல் வாழ்ந்துகொண்டிருக்கின்றது , இவர்களைப் போன்றவர்கள் இறந்து விட்டால் சிங்களவர்கள் தாமாக திருந்தி விடுவார்கள்



குளங்கள் உடைக்கும் அபாயம் ,மக்களுக்கு எச்சரிக்கை

குளங்களில் நீர்மட்டம் அதிகரித்துக்கொண்டு வருவதனால், குறித்த குளங்களுக்கு இருமருங்கிலும் வசிக்கும் மக்களை எச்சரிக்கையாக இருக்கும் படி, நீர்ப்பாசன திணைக்களம் எச்சரிக்கை விடுத்துள்ளது.

தொடர்ச்சியாக பெய்து வரும் மழை காரணமாக காலி, களுத்துறை, யக்கலமுல்லை மற்றும் இரணைமடு ஆகிய பிரதேசங்கள் வெள்ளத்தில் பாதிக்கப்பட்டுள்ளது.

மேலும், நேற்று இரவிலிருந்து வெலிப்பன்னை நுழைவாயில் மற்றும் தெற்கு அதிவேக பாதையின் வெளியேறும் வழியும் வெள்ளத்தால் மூழ்கியுள்ளதாக தெரிவிக்கப்படுகின்றது.

அத்துடன் இரணைமடு குளம் நிரம்பி வருவதால் சிறிது நாட்களில் குளத்தின் வான் கதவுகள் திறக்க வேண்டி இருப்பதால் வட்டக்கச்சி ,முரசுமோட்டை , கண்டாவளை , வாழும் மக்கள் அவதானமாக இருக்குமாறு கேட்டுக்கொள்ளப்பட்டுள்ளது.

பரந்தன் பகுதியில் இடம்பெற்ற விபத்தில் இளைஞர் ஒருவர் பலி

கிளிநொச்சி, பரந்தன் பகுதியில் இடம்பெற்ற விபத்தில் இளைஞர் ஒருவர் அந்த இடத்திலேயே உயிழந்துள்ளார்.

இந்த விபத்து இன்று சனிக்கிழமை இரவு 8 மணியளவில் இடம்பெற்றுள்ளது. சம்பவத்தில் தர்மபுரத்தைச் சேர்ந்த வி. ஜதார்த்தன் (வயது – 24) என்ற இளைஞரே உயிரிழந்துள்ளார்.

மோட்டார்சைக்கிளில் சென்ற குறித்த இளைஞர் வேகக் கட்டுப்பாட்டை இழந்து முன்னால் நிறுத்திவைக்கப்பட்டிருந்த வாகனத்துடன் மோதி விபத்துக்குள்ளானார் என்று தெரிவிக்கப்படுகிறது.

சடலம் பொலிஸாரால் மீட்கப்பட்டு கிளிநொச்சி பொது வைத்தியசாலையில் ஒப்படைக்கப்பட்டுள்ளது. சம்பவம் தொடர்பாகப் பொலிஸார் விசாரணைகளை மேற்கொண்டுவருகின்றனர்.

சுற்றாடல் மற்றும் வனம் தொடர்பான சர்வதேச மாநாடு

சுற்றாடல் மற்றும் வனம் தொடர்பான சர்வதேச மாநாடு 2014 இம்மாதம் 24- 25ஆம் திகதிகளில் நடைபெறவுள்ளது.


சிறிஜயவர்தன பல்கலைகத்தினால் நடத்தப்படும் இச்சர்வதேச மாநாட்டில் சுற்றாடல் மற்றும் புதுப்பிக்கத்தக்க சக்தி அமைச்சின் கீழ் இயங்கும் நிறுவனங்கள் தொழில்நுட்பம் மற்றும் வளவாளர் வசதிகளை வழங்கவுள்ளமை குறிப்பிடத்தக்கது.

புலிகளை நினைத்து அழுது புலம்பும் பொதுபலசேனா

விடுதலைப் புலிகள் மீதான தடை நீக்கமானது இலங்கைக்கு மட்டுமல்ல முழு தெற்காசியாவுக்குமே ஆபத்தானதாகும். கொழும்பில் கிருலப்பனையிலுள்ள பொதுபல சேனா அலுவலகத்தில் நேற்று வெள்ளிக்கிழமை இடம்பெற்ற ஊடகவியலாளர் மாநாட்டில் உரையாற்றும் போதே இவ்வாறு தெரிவிக்கப்பட்டது.

2006 ஆம் ஆண்டு ஐரோப்பிய ஒன்றியம் புலிகளை தடை செய்தது. இன்று 8 ஆண்டுகளுக்கு பிறகு பத்திரிகை மற்றும் இணையத்தள செய்திகளின் அடிப்படையிலேயே புலிகளை தடை செய்துள்ளனர்.

எனவே, இதனை ஏற்க முடியாது. எனவே, பயங்கரவாத பட்டியலிருந்து புலிகள் நீக்கப்பட வேண்டுமென தீர்ப்பு வழங்கப்பட்டுள்ளது. இதன் பின்னணியில் பயங்கரமான சூழ்ச்சி திட்டம் உள்ளது.

ஐரோப்பிய ஒன்றியம் என்பது சில்லறைக் கடையல்ல. பலம் பொருந்திய பல நாடுகள் இணைந்த அமைப்பு. அவ்வாறான அமைப்பின் நீதிமன்றம் விதித்த தடையை நீக்கியமையின் பின்னணியில் இலங்கைக்கு எதிரான சக்திகள் உள்ளன என்றும் டிலந்த விதானகே தெரிவித்தார்.

இந்த ஊடகவியலாளர் மாநாட்டில் பொது பல சேனாவின் தேசிய அமைப்பாளர் விதாரன்தெனியே நந்த தேரரும் கலந்து கொண்டார்.

ஆழ்கடல் பகுதிகள் கொந்தளிப்புடன் காணப்படலாம்?

பெரும்பாலான கடற்பிரதேசங்களில் இன்று (19) மழை பெய்யும் சாத்தியம் காணப்படுவதாக வானிலை அவதான நிலையம் தெரிவித்துள்ளது.

இதேவேளை யாழ்ப்பாணம் தொடக்கம் காலியூடாக புத்தளம் மற்றும் கொழும்பு உட்பட பல பிரதேசங்களில் மழை பெய்யலாம். தென்மேற்காக காற்று வேறு திசைகளை நோக்கியும் மணிக்கு 20- 40 கிலோமீற்றர் வேகத்தில் காற்று வீசக்கூடும் என்றும் இடியுடன் கூடிய மழைக்கான சாத்தியக்கூறு காணப்படுகிறது என்றும் வானிலை அவதானநிலையம் மேலும் தெரிவித்துள்ளது.

பொதுவாக கடல் கடுமையாக இருக்காது என்றும் ஆனால் இடியுடன் காலநிலையின் போது கடலில் அலையின் வேகம் அதிகரித்து காணக்கூடியதாக இருக்கும் என்றும் வானிலை அவதான நிலையம் சுட்டிக்காட்டியுள்ளது.
 
Support : Creating Website | Johny Template | Mas Template
Copyright © 2011. tamiltvshows - All Rights Reserved
Template Created by Creating Website Published by Mas Template
Proudly powered by Free Blogger Template