New Videos from Youtube
Showing posts with label france news. Show all posts
Showing posts with label france news. Show all posts

பனிப் பொழிவில் இறந்த மேலும் 10 உடல்கள் மீட்பு

நேபாளத்தில் கடந்த வாரம் ஏற்பட்ட பனிப்புயல் மற்றும் பனிப் பொழிவுகளில் இறந்த மலேயேறிகளின் மேலும் 10 உடல்கள் மீட்கப்பட்டுள்ளதாக அதிகாரிகள் தெரிவித்தனர்.

இவர்களில் ஒன்பது பேர் நேபாளிகள் ஒருவர் இஸ்ரேலியர். இவர்களின் உடல்கள், வடமேற்கு நேபாளத்தின் முஸ்டாங் நகரிலிருந்து தலைநகர் காட்மாண்டுவுக்கு கொண்டு செல்லப்பட்டன.

இதில் இறந்திருக்கலாம் என்று கருதப்பட்டு உடல்கள் கண்டுபிடிக்கப்படாத ஏழு பேரும் அடங்குவர்.

நேபாளத்தில் மிகவும் பிரபலமான அன்னபூர்ணா சுற்றுவழிப்பாதை என்ற இந்த மலையேறும் பாதையில் இருந்து சுமார் 400 மலையேறிகளும் அவர்களது வழிகாட்டிகளும் மீட்கப்பட்டுள்ளனர்.

ஒஸ்கார் பிஸ்டோரியஸூக்கு 5 ஆண்டு சிறைத் தண்டனை

தனது காதலி ரீவா ஸ்டீன்கெம்பை சுட்டுக்கொன்ற குற்றவாளியான, தென் ஆபிரிக்க பரா ஒலிம்பிக் சாம்பியன் ஒஸ்கார் பிஸ்டோரியஸூக்கு சற்று நேரத்திற்கு முன்னர் 5 ஆண்டு சிறைத் தண்டனை விதிக்கப்பட்டுள்ளது.


ஆயுதமொன்றை வைத்திருந்த குற்றச்சாட்டிற்காக ஒஸ்கார் பிஸ்டோரியஸூக்கு 03 ஆண்டு ஒத்திவைக்கப்பட்ட சிறைத் தண்டனையும் வழங்கப்பட்டுள்ளது.



ஒஸ்கார் பிஸ்டோரியஸின் வழக்கு விசாரணை தென்னாபிரிக்க உயர் நீதிமன்றத்தில் நடைபெற்றது.

போர் விமானப் பயிற்சியில் ஐஎஸ் தீவிரவாதிகள் – அதிர்ச்சித் தகவல்!

உலக நாடுகளை அச்சுறுத்தி வரும் ஐஎஸ்ஐஎஸ் தீவிரவாதிகள், போர் விமான பயிற்சிகளில் ஈடுபட்டு வருவதாக வெளியான தகவல்கள் உலகம் முழுவதும் பெரும் அதிர்ச்சியை ஏற்படுத்தி உள்ளது.

ஈராக் மற்றும் சிரியாவில் இஸ்லாமிய ஆட்சியை ஏற்படுத்துவதற்காக ஆயுதப் போராட்டம் நடத்தி வரும் ஐஎஸ்ஐஎஸ் தீவிரவாதிகள், உலக நாடுகளுக்கு நாள் தோறும் பல்வேறு அதிர்ச்சியை ஏற்படுத்து செயல்களில் ஈடுபட்டு வருகின்றனர்.


அமெரிக்க மற்றும் இங்கிலாந்து பிணைக் கைதிகளைக் கொன்று குவித்து வரும் அவர்கள், தற்போது உலக நாடுகளுக்கு சவால் விடும் வகையில் போர் விமானப் பயிற்சியில் ஈடுபடுவதாகக் கூறப்படுகின்றது.


ஈராக் முன்னாள் அதிபர் சதாம் உசைன் படையில் பணியாற்றிய போர் விமானி ஒருவர் தீவிரவாதிகளுக்கு விமான பயிற்சி வழங்கி வருகிறார் என சிரியா மனித உரிமைக் கண்காணிப்பு அமைப்புகள் கூறுகின்றன.

கடந்த சில மாதங்களுக்கு முன்பு சிரியாவின் அலெப்போ, ராக்கா மாகாணங்களில் சிரியா படையிடமிருந்து ஐஎஸ்ஐஎஸ் தீவிரவாதிகள், சில விமான தளங்களைக் கைப்பற்றினர்.

இதன் மூலம் அங்கு நிறுத்தி வைக்கப்பட்டிருந்த சில போர் விமானங்கள் அவர்கள் வசமாகியுள்ளன. எனினும், அவை பறக்கும் நிலையில் உள்ளனவா, அவற்றில் ஏவுகணைகள் உள்ளிட்ட ஆயுதங்கள் பொருத்தப்பட்டுள்ளனவா என்பது குறித்து இன்னும் சரிவரத் தெரியவில்லை.

சதாம் உசைனின் விமானப் படையில் பணியாற்றிய அதிகாரி, அலெப்போ மாகாணத்தின் ஜர்ரா நகர இராணுவ விமான தளத்தில் இந்தப் பயிற்சிகளை மேற்பார்வையிட்டு வருவதாகவும் தெரிவிக்கப்படுகின்றது. ஜர்ரா நகரில், போர் விமானங்கள் அடிக்கடி தாழ்வாகப் பறப்பதாக அங்கு வசிக்கும் மக்களும் தெரிவித்துள்ளனர்.

ஈராக்கிலும், சிரியாவிலும் அமெரிக்கா தலைமையிலான கூட்டுப் படைகள் விமானத் தாக்குதல் நிகழ்த்தி வரும் நிலையில், ஐஎஸ்ஐஎஸ்-ன் போர் விமானப் பயிற்சி பற்றிய தகவல் பெரும் அதிர்ச்சியை ஏற்படுத்தி உள்ளன.

அமெரிக்கா- குர்திஸ் போராளிகளுக்கு ஆயுத விநியோகம்

அமரிக்க போர் வானூர்திகள், ஐஎஸ் தீவிரவாதிகளுக்கு எதிராக போராடும் குர்திஸ் போராளிகளுக்கு ஆயுதங்களையும் மருத்துவ பொருட்களையும் விநியோகித்துள்ளன

வான்பரப்பில் இருந்து இந்த பொருட்கள் குர்திஸ் போராளிகளுக்கு பொதிகளாக போடப்பட்டதாக தெரிவிக்கப்பட்டுள்ளது.

சிரியாவின் கோபானா நகரில் ஐஎஸ் தீவிரவாதிகளுக்கு எதிராக குர்திஸ் போராளிகள் தாக்குதல்களை நடத்திவருகின்றனர்

இதேவேளை அமரிக்காவின் வான் தாக்குதல்கள் காரணமாக துருக்கிய எல்லைப்புறத்தில் இருந்து ஐஎஸ் தீவிரவாதிகள் பின்வாங்கியதாகவும் தகவல்கள் வெளியாகியுள்ளன

இதன்போது அமரிக்க போர் வானூர்திகளால் 135 தடவைகள் தாக்குதல்கள் நடத்தப்பட்டதாக தெரிவிக்கப்பட்டுள்ளது.

இணையத்தில் அடுத்தவர் பற்றி மோசமாக எழுதுவோருக்கு தண்டனை

இணையதளத்தில் மற்றவர்களுக்கு எதிராக அச்சுறுத்துகின்ற விதமான மற்றும் துஷ்பிரயோகமான விடயங்களை வெளியிடும் நபர்களுக்கு கடுமையான தண்டனைகளை அளிப்பது தொடர்பில் பிரிட்டிஷ் அரசாங்கம் ஆராய்ந்துவருகின்றது.

இப்போதுள்ள பரிந்துரைகள் சட்டமாக்கப்பட்டால், இப்படியான நபர்களை இரண்டு ஆண்டுகள் வரை சிறையில் அடைக்கமுடியும்.

இந்தக் குற்றத்துக்காக இப்போது அதிகபட்சமாக 6 மாதங்களே தண்டனை அளிக்கப்படுகின்றது.

பிரபல இணைய துஷ்பிரயோக சம்பவங்கள் பலவற்றின் தொடர்ச்சியாக அரசாங்கம் இந்த நடவடிக்கையை எடுத்துள்ளது.

ஐ.எஸ்.ஐயை பின்வாங்க வைத்த குர்ஷித் அமைப்பு

அமெரிக்க விமானத் தாக்குதல்களுக்கு மத்தியிலும் குர்திஷ் மக்கள் அதிகமாக வாழும் கோபனி நகரை நோக்கிச்சென்று கொண்டிருந்த ஐ.எஸ்.ஐ.எஸ். அமைப்பினர் தற்போது பின்வாங்கத் தொடங்கியுள்ளனர்.

அமெரிக்க விமானத் தாக்கு தல்களைத் தீவிரப்படுத்துவதற்கு முன்னர் அந்த நகரத்தின் 40 வீதத்தை இஸ்லாமிய தீவிரவா திகள் தமது கட்டுப்பாட்டின் கீழ் வைத்திருந்தனர்; தாக்குதல்கள் தீவிரமடைந்த பின்னர் நகரின் பெருமளவுக் கட்டுப்பாட்டை இழந்துவிட்டனர் என குர்திஸ் அமைப்புகள் தெரிவிக்கின்றன,


2012இல் சிரியாவிடமிருந்து இந்த நகரத்தை விடுவித்த குர்திஷ் போராளிகள் சுயாட்சியை ஏற்படுத் தினார்கள். அவர்கள் இந்த நக ரத்தை சிரியா குர்திஷ்தானின் ஒரு பகுதியாகக் கருதுகின்றனர். இந்த அடிப்படையில் கோபனி நகருக்கு ஏற்பட்டுள்ள அபாயத்தை குர்திஷ் மக்களின் சுதந்திரக் கனவுகளுக்கு ஏற்பட்டுள்ள அச்சுறுத்தலாகவும் கருதலாம்.


துருக்கியின் சுயநல அரசியலும், அமெரிக்காவின் பலவீனமான இராணுவத் தந்தி ரோபாயமும் இணைந்து கோபனி பாரிய இரத் தக்களறியைச் சந்திக்கக்கூடிய அபாயத்தை உண்டுபண்ணியிருந்தது.

எந்த வேளையிலும் கோபனி பாரிய இனப்படுகொலையைச் சந்திக்கலாம் என்ற அச்சம் கடந்த சில வாரங் களாகக் காணப்பட்டது.
கோபனி சிரியா – துருக்கி எல்லைப் பகுதியில் அமைந்துள்ள நகரம். அதன் சிறிய பகுதி சிரியாவுக்குள் துருத்திக்கொண்டுள்ளது.

அயின் அல் அராப் எனவும் அழைக் கப்படும் கோபனியின் சனத்தொகையளவு வெறுமனே 50,000. 1915 இல் ஆர்மீனியாவில் இடம்பெற்ற இனப்படுகொலையிலிருந்து தப்பிய அகதிகள் புகையிரத நிலையத்துக்கு அருகில், சிறிய கிராமமொன்றைக் கண்டுபிடித்தனர்; பின்னர் அருகி லிருந்த குர்தீஷ்களும் அவர்களுடன் இணைந்துகொண்டனர் என கோபனி உருவான விதம் குறித் துத் தெரிவிக்கப்படுகின்றது.

1921இல் துருக்கியினுடனான எல்லை பிரிக்கப்பட்டபோது இந்த நகரம் சிரியாவின் எல்லையில் கைவிடப்பட்டது,
இன்று இந்த நகரம் ஐ.எஸ்.ஐ.எஸ். தீவிரவாதிகளால் சூழப்பட்ட நிலை யில் பெரும் அபாயத்தை எதிர் நோக்கியுள்ளது.
அமெரிக்காவின் தந்திரோபாயம் குறித்த கேள்விகள்
கோபனி இஸ்லாமிய தீவிரவாதிகளின் கைகளில் விழும் பட்சத்தில் அது அமெரிக்காவின் விமானத் தாக்குதல் களின் பயன் குறித்த கேள்வியை யும், ஐ.எஸ்.ஐ.எஸ். அமைப்புக்கு எதிராக வா´ங் டன் உரு வாக்கி யுள்ள கூட்டணி யின் பலவீனங் கள் குறித்து பல சந்தேகங்களை யும் எழுப்பக் கூடிய சூழ்நிலை காணப்படுகின்றது.

அமெரிக்கா, கோபனியை நோக்கி நகரும் தீவிரவாதிகளை இலக்குவைத்து தாக்குதலை மேற்கொண்ட போதி லும் அவர்களைக் கட்டுப்படுத்த முடியாத நிலை ஆரம்பத்தில் காணப்பட் டது.ஆகாயத் தாக்குதல்களை மேற் கொள்வது அப்பகுதியில் கடின மான விடயம். அவர்களுடைய ஆட் டிலறிகள் உருமறைப்பு செய்யப்பட் டிருக்கலாம், மேலும் அமெரிக்க விமானங்களை இலகுவில் அவர் கள் அடையாளம் காணக்கூடிய நிலையிலுள்ளனர் எனச் சுட்டிக்காட் டப்படுகிறது.
இதன் காரணமாக அமெரிக்கா தரைப்படைகளைப் பயன்படுத் தவேண்டுமென்ற வாதமும் முனைப்படைந்து வருவதைக் காணமுடிகின்றது.

ஐ.எஸ்.ஐ.எஸ். அமைப்பின் செயற்பாடுகளைக் கண்காணித்து உடனடியாக விமானப்படையின ருக்குத் தெரிவிக்கவேண்டியது அவசியம். அவ்வாறு ஒருங் கிணைப்பில்லாததே பாரிய பிரச் சினையாகக் காணப்படுகின்றது என்றும் சுட்டிக்காட்டப்படுகின்றது.
பல நாடுகளும் பல நிகழ்ச்சி நிரல்களும் பிராந்தியத்தின் பல நாடுகள் பல நிகழ்ச்சி நிரலுடன் செயற்படுவதும் ஐ.எஸ்.ஐ.எஸ். அமைப்பின் நகர் வைக்கட்டுப்படுத்த முடியாமல் உள்ளதற்கான முக்கிய காரண மாகவுள்ளது. பொதுவான எதிரி காணப்படு கின்ற போதிலும் பொதுவான நலன் என்பதைக் காணமுடியாத நிலையுள்ளது.

மத்திய கிழக்கு என்பது பலவித மான நெருக்கடிகளைத் தன்ன கத்தே கொண்டுள்ள பிராந்தியம். ஏற்கனவே காணப்பட்ட அரச கட்ட மைப்புகள் சிதைந்து கொண்டிருக் கின்றன. ´யா ஈரானுக்கும், சுனி அரேபிய நாடுகளுக்கும் இடையி லான வேற்றுமைகள் போன்ற பலவித நெருக்கடிகளால் அப்பகுதி சூழப்பட்டுள்ளது.
இதில் கோபனிக்கு அச்சுறுத் தலாக அமைந்துள்ள விடயம், துருக் கிக்கும் குர்திஷ் மக்களுக்குமான நீண்டகால நெருக்கடியான உறவாகும்.
துருக்கி தனது எல்லைக்கு மிக அருகில் இடம்பெறும் மோதல் குறித்து எடுத்துள்ள நிலைப்பாடு அதன் இரட்டைவேடத்தைப் புலப் படுத்துகின்றது.துருக்கி, சிரியாவின் அசாத் அரசைக் கடுமையாக எதிர்க் கும் அதேவேளை, ஐ.எஸ்.ஐ.எஸ். அமைப்பையும் அச்சுறுத் தலாகக் கருதுகின்றது.அசாத் அரசைப் பலப்படுத்தும் எதனை யும் செய்துவிடக்கூடாது என்பதில் அது உறுதியாகவுள்ளது. குர்திஷ் போராளிகள் குறித்தும் துருக்கி அச்சம் கொண்டுள்ளது. அவர் களை ஆயுத ரீதியாகக் பலப்படுத்து வதை அந்த நாடு விரும்பவில்லை.

எனினும், தற்போது இஸ்லா மிய தீவிரவாதிகள் தமது எல்லைக்கு அருகில் வந்துவிட்ட நிலையில், துருக்கி நடவடிக்கை எடுத்தேயாக வேண்டிய நிலையிலுள்ளது. இதன் காரணமாகவே தனது விமானத்த ளங்களை அமெரிக்கா பயன்படுத் துவதற்கு அது இணங்கியுள்ளது,
இதேவேளை, துருக்கி தமது போராளிகளை எல்லைக்கு அனுப் புவதைத் தடுத்து வருவதாக குர்திஷ் அமைப்புகள் குற்றஞ்சாட்டி வருகின் றன.இதற்கு எதிர்ப்புத் தெரிவிப் பதற்காகவே துருக்கியின் 30 நக ரங்களில் ஆர்ப்பாட்டங்களிலும் வன் முறைகளிலும் குர்தீஷ் மக்கள் ஈடுபட்டுள்ளனர்.

துருக்கி அரசு ஐ.எஸ்.ஐ.எஸ். அமைப்பை விட தங்களையே எதிரியாகப் பார்க்கின்றது என்பது குர்தீஷ் மக்களின் கருத்து. எல்லைகளைக் கடந்து சென்று போராளிகளுடன் இணைவதற்கு துருக்கி தங்களை அனுமதிக்காதது குறித்து அவர்கள் கடும் சீற்றமடைந்துள்ளனர்.

கோபனே வீழ்வது, துருக்கி அரசுக்கு மகிழ்ச்சியளிக்கக் கூடிய விடயம். அவர்கள் அதனை விரும்புகின்றனர். அதன்மூலம் சிரியாவுக்குள் சுயாதீன பகுதியை ஏற்படுத்தும் குர்திஷ் மக்களின் கனவும் கலைந்து போகும் என அந்த அரசு கருதுகின்றது என்பது குர்தீஷ் மக்களின் வாதம்.இந்தக் கருத்தை உறுதி செய்யும் விதத்தில் துருக்கி ஜனாதிபதியின் இவ்வார கருத்தும் அமைந் துள்ளது. எங்களைப் பொறுத்தவரை குர்திஷ் போராளிகளும், ஐ.எஸ்.ஐ.எஸ். அமைப்பும் ஒன்று தான் என அவர் தெரிவித்தார். இரண்டும் வெவ்வேறானவை எனக் கருதுவது தவறு எனவும் அவர் குறிப்பிட்டார்.

இந்தக் கசப்புணர்வுக்குக் காரணமாக உள்ளது துருக்கிய அரசுக்கு துருக்கிய சிறுபான்மையினத்தவருடனான நீண்டகால மோதலாகும். 1980கள் முதல் காணப்படும் குர்திஷ் கிளர்ச்சி காரணமாக 40,0 00இற்கும் மேற்பட்டவர்கள் கொல்லப்பட்டுள்ளனர். சமாதான பேச்சுகள் சமீபத்திலேயே ஆரம்பமாகியுள்ளன.இந்நிலையில், சிரியாவிலுள்ள குர்திஷ் குழுவைப் பலப்படுத்துவது, தனது நாட்டிலுள்ள பி.கே.கே அமைப்புக்குச் சாதகமாக அமைந்துவிடும் எனத் துருக்கி கருதுகின்றது. இதன் காரணமாக கோபனியில் பாரிய இனப் படுகொலையையும் வேடிக்கை பார்ப்பதற்கு அது தயாராகவுள்ளது.

செய்தியாளர்களுக்கு பதிலளித்த பிரேசில் சீரியல் கொலைகாரர்

பிரேசிலில் குறைந்தது 39 பேரைக் கொலைசெய்ததாக காவல்துறையினரிடம் குற்றங்களை ஒப்புக்கொண்டுள்ளதாக கூறப்படுகின்ற இளைஞர் ஊடகவியலாளர்களுக்கு முன்னால் வந்து கேள்விகளுக்கு பதிலளித்துள்ளார்.

தியாகோ ரொச்சா என்ற இந்த 26 வயது இளைஞர் தனது செயல்களுக்காக வருத்தம் தெரிவித்துள்ளதுடன் கொல்லப்பட்டவர்களின் குடும்பத்தினரிடமும் மன்னிப்புக்கோர விரும்புவதாகவும் கூறியுள்ளார்.

காவல் ஊழியரான தியாகோ ரொச்சா தான் மனநோயாளி என்று எதனையும் கூறவில்லை.

ஆனால், அவ்வப்போது தனது மனதுக்குள் எழுந்த ஆத்திர உணர்வே மற்றவர்களை கொலைசெய்யத் தூண்டியதாகக் கூறியுள்ளார்.

பிரேசில் வரலாற்றில் மர்மமான சீரியல்-கொலைகாரர்களிகளில் ஒருவர் அவர் என்பதை உணர்கின்றாரா என்று ஒரு செய்தியாளர் கேட்டபோது, ரொச்சா அசட்டையாக தோளை அசைத்தவாறு புன்னகைத்துள்ளார்.

கோயாஸ் நகரத்திலும் சுற்றுவட்டாரத்திலும் 3-ஆண்டு காலப்பகுதியில் எதேச்சையாக அகப்பட்ட இளம் பெண்கள், வீடற்றவர்கள், ஒருபால் உறவுக்காரர்கள் என 39 பேரை தியாகோ ரொச்சா கொலை செய்துள்ளார்.

அமெரிக்க தாக்குதலால் மூன்றாம் வளைகுடா போர் ஏற்பட்டுள்ளது…

ஐ.எஸ். தீவிரவாதிகள் தம்மால் பணயக்கைதியாக பிடித்து வைக்கப்பட்டுள்ள பிரித்தானிய புகைப்பட ஊடகவியலாளர் ஜான் கான்டில் தோன்றும் புதிய வீடியோ காட்சியொன்றை வெளியிட்டுள்ளனர்.

புதன்கிழமை இரவு வெளியிடப்பட்ட இந்த வீடியோ காட்சி தொடர்பில் சர்வதேச ஊடகங்கள் வெள்ளிக்கிழமை செய்திகளை வெளியிட்டுள்ளன. இணையத்தளத்தில் வெளியிடப்பட்ட அந்த வீடியோ காட்சியில் பிரித்தானிய அரசாங்கம் தனது பிரஜைகளை கைவிட்டுள்ளதாக குற்றஞ்சாட்டியுள்ளனர். ஐ. எஸ். தீவிரவாதிகளுக்கு எதிரான தரை வழிப்போருக்கான ஆதரவைத்திரட்ட அமெரிக்கா மற்றும் அதன் நேச நாடுகளுடன் இணைந்து மேற்குலக ஊடகங்கள் மத்தளமடிப்பதாக அவர் தெரிவித்தார்.

ஜான் கான்டில் (43 வயது) கடந்த இரு வருடங்களாக சிரியாவிலுள்ள ஐ.எஸ். தீவிரவாதிகளால் பணயக்கைதியாக பிடித்து வைக்கப்பட்டுள்ளார். அவர் அந்த தீவிரவாதிகளின் அச்சுறுத்தலின் கீழேயே வீடியோ காட்சியில் உரையாற்றியுள்ளதாக நம்பப்படுகிறது.

ஐ. எஸ். தீவிரவாதிகளின் செயற்பாடுகளை வான் வழித்தாக்குதல்களால் தடுத்து நிறுத்த முடியாது என அமெரிக்க பாதுகாப்பு அமைப்பான பென்டகன் தெரிவித்துள்ள நிலையில் அந்தப் தீவிரவாதிகளுக்கு எதிரான தரை வழி தாக்குதல் நடவடிக்கைகளில் அமெரிக்க தரைப்படையினர் ஈடுபடுத்தப்பட மாட்டார்கள் என வலியுறுத்துவதில் அமெரிக்க ஜனாதிபதி பராக் ஒபாமா தீவிரமாக ஈடுபட்டுள்ளதாக தெரிவித்த ஜான் கான்டில் அமெரிக்காவானது தனது தூதரகம் மற்றும் விமான நிலையத்தை பாதுகாக்க பக்தாத்தில் 1200 படையினரை நிலை நிறுத்தியுள்ளதாகவும் இது தரை வழி தாக்குதலில் படையினரை ஊக்குவிக்கும் நடவடிக்கையாக தோன்றுவதாகவும் கூறினார்.

ஆப்கானிஸ்தானிலிருந்து அமெரிக்க படையினரை வாபஸ் பெறுவதற்கான ஆணையில் ஜனாதிபதி பராக் ஒபாமா கைச்சாத்திட்டமையின் ஈரம் காய்வதற்கு முன்னரே மூன்றாம் வளைகுடா போருக்கு தூண்டப்பட்டுள்ளது என அவர் தெரிவித்தார்.

ஐ.எஸ். க்கு எதிரான அனைத்து படை வீரர்கள் தலைகளையும் துண்டிப்போம்…

ஐ.எஸ். தீவிரவாதிகளுக்கு மேற்குலக நாட்டு படையினரின் தலைகளை துண்டிப்பதற்கு வாய்ப்பளிக்கும் வகையில் மேற்குலக நாடுகள் தரை படையினரை அனுப்பி வைக்க வேண்டும் என ஐ.எஸ். தீவிரவாதிக் குழுவைச் சேர்ந்த பிரித்தானிய தீவிரவாதியொருவர் வலியுறுத்தியுள்ளார்.

அபு அப்துல்லாஹ் அல் பிரிட்டானி என்ற மேற்படி பிரித்தானிய ஐ.எஸ். தீவிரவாதி பிந்திய வீடியோ காட்சியொன்றில் இவ்வாறு வலியுறுத்தியுள்ளார். சிரியா மற்றும் ஈராக்கில் முன்னேறி வரும் ஐ.எஸ். தீவிரவாதிகளுக்கு எதிரான தரை வழி போரில் ஈடுபடும் ஒவ்வொரு படை வீரரையும் இறைவனின் அனுமதியுடன் தீவிரவாதிகள் கொல்வார்கள் என அல் - பிரிட்டானி (20 வயது) தெரிவித்தார். நாங்கள் அந்தப் படை வீரர்களின் ஆயுதங்களை கைப்பற்றி அவர்களைக் கொல்வோம்.

நீங்கள் ஈராக்கிற்கு வரவோ அல்லது அதனை கைப்பற்ற நினைக்கவோ முடியாது. அதற்கு எந்த வழியும் கிடையாது. நாங்கள் உங்கள் குருதியை இந்த மண்ணில் சிந்த வைப்பதற்கு ஆவலுடன் இருக்கிறோம் எனத் தெரிவித்த அவர் நாம் அமெரிக்கர்களது தலைகளையும் பிரெஞ்சு நாட்டவர்களது தலைகளையும் எமக்கு எதிரான போராட்டத்தில் ஈடுபடும் அனைவரது தலைகளையும் துண்டிப்போம் என்று கூறினார். ஈராக் மற்றும் சிரியா பிராந்தியத்தில் நூற்றுக்கணக்கான பிரித்தானிய படையினர் பயிற்சியாளர்களாகவும் ஆலோசகர்களாகவும் செயற்பட்டு வருகின்றனர்.

ஈராக்கில் ஐ.எஸ். தீவிரவாதிகளுடன் இணைந்து போரிடும் பிரித்தானியர்கள் சிலரில் ஒருவராக அல் - பிரிட்டினி கூறுகிறார். இஸ்லாமிய மதத்தை தழுவியிருந்த பிரித்தானிய எரித்தீரியரான அவர் சுமார் ஒரு வருடத்துக்கு முன்னர் சிரியா படையினர்களது தலை துண்டிக்கப்பட்ட சடலங்களுடன் தான் தோன்றும் புகைப்படங்களை இணையத்தளத்தில் வெளியிட்டிருந்தார். இந்நிலையில் மேற்படி புதிய வீடியோ காட்சியில் ஆங்கிலம் பிரெஞ்சு மற்றும் ஜெர்மனிய மொழிகளைப் பேசும் தீவிரவாதிகள் காண்பிக்கப்பட்டனர்.

ஐ.எஸ். தீவிரவாதிகளுக்கு இறைவன் ஆதரவளிப்பதாக உரிமை கோரியுள்ள அல் - பிரிட்டானி நாங்கள் இருப்பதற்கு போராடுபவர்கள் என்பதையும் எமக்காக அல்லாமல் இந்த உலகிற்காக போராடுபவர்கள் என்பதையும் தெரிந்து கொள்ளுங்கள் என எச்சரிக்கை விடுத்துள்ளார். அண்மைய வாரங்களில் ஐ.எஸ். தீவிரவாதிகளுக்கு எதிரான மேற்குலக நாடுகளின் தாக்குதல்களால் தம்மால் கைப்பற்றப்பட்ட சிரியா நகரான கொபேனை சுற்றியுள்ள பிரதான தளங்களை கைவிட தீவிரவாதிகள் நிர்ப்பந்திக்கப்பட்டமை குறித்து அல் - பிரிட்டானி கூறுகையில் மேற்குலக நாடுகளின் குண்டுத் தாக்குதல்கள் தமது திட்டங்களை மாற்றாது எனக் கூறினார்.

மகிழ்ச்சிவெள்ளம் புலிக்கொடியுடன் புலம்பெயர் தமிழர்கள்

இன்று ஐரோப்பிய நீதிமன்றத்தினால் தமிழீழ விடுதலைப்புலிகளுக்கு எதிரான தடை நீக்கப்பட்டுள்ள மகிழ்ச்சியில் புலம்பெயர் தமிழர்கள் புலிக்கொடியுடன் வீதிகளில் நடமாடுவதை காணக் கூடியதாக உள்ளது,

லண்டன் பாரிஸ் அவுஸ்ரேலியா சுவிஸ் என பல நாடுகளில் தமிழர்கள் தமது மகிழ்ச்சியை புலிக்கொடி மூலம் வெளிப்படுத்தி வருகின்றனர்.

பாரிஸ் தமிழ் மக்களின் தலைநகரான  லாச்சப்பலிலும் இனிப்பு வகைகள் வழங்கி மகிழ்ச்சியை கொண்டாடி வருகின்றனர்.






தமிழீழ விடுதலைப் புலிகளின் மீது இருந்த தடையை நீக்கிய ஐரோப்பிய ஒன்றியம்

தமிழீழ விடுதலைப் புலிகள் இயக்கத்தின் மீது விதிக்கப்பட்ட தடையை ஐரோப்பிய ஒன்றிய நீதிமன்றம் நீக்கி தீர்ப்பளித்துள்ளது.

தமிழீழ விடுதலைப் புலிகள் இயக்கத்தின் அரசியல் பிரிவானது ஐரோப்பிய ஒன்றியம் விதித்த தடையை எதிர்த்து 2011-ல் லக்சம்பர்க்கில் உள்ள ஐரோப்பிய ஒன்றிய நீதிமன்றத்தில் வழக்கு தொடர்ந்தது.

இந்த வழக்கில் விடுதலைப் புலிகள் சார்பாக நெதர்லாந்து நாட்டைச் சேர்ந்த வழக்கறிஞர் விக்டர் கோப் ஆஜராகி வாதாடி வந்தார். இந்த வழக்கில் கடந்த 2014 ஆம் ஆண்டு பெப்ரவரி மாதம் முதல் விசாரணை நடைபெற்று வந்தது.

இந்த விசாரணையின் போது 2009ஆம் ஆண்டுக்குப் பின்னர் தமிழீழ விடுதலைப் புலிகள் ஆயுதம் ஏந்தவில்லை. தங்களது மக்களுக்காக வன்முறையற்ற வழிகளில்தான் தமிழீழ விடுதலைப் புலிகள் போராட விரும்புகின்றனர் என்று வாதிடப்பட்டது.

மேலும் விக்கிபீடியா தகவல்களை அடிப்படையாகக் கொண்டு விடுதலைப் புலிகள் மீது ஐரோப்பிய ஒன்றியம் தடை விதித்திருப்பது அதிர்ச்சியளிக்கிறது.

இலங்கையில் இனப்படுகொலை என்று கூறுமளவிற்கான ஒரு ஒடுக்குமுறை ஆட்சிக்கு எதிராகத்தான் நியாயமான போராட்டத்தை விடுதலைப் புலிகள் நடத்தினர் என்றும் புலிகளின் வழக்கறிஞர் கோப் வாதிட்டார்.

இன்று (16) இந்த வழக்கில் தமிழீழ விடுதலைப் புலிகள் இயக்கத்தின் மீது விதிக்கப்பட்ட தடையை நீக்கி தீர்ப்பளிக்கப்பட்டுள்ளது.

இது தமிழீழ விடுதலைப் புலிகளுக்கு ஐரோப்பிய ஒன்றியத்தில் சட்ட ரீதியாக கிடைத்த அங்கீகாரமாக கருதப்படுகிறது.

IS தீவிரவாதிகளின் முக்கியஸ்தர் மொரக்கோ விமானநிலையத்தில் வைத்து கைது

மொராக்கோ நாட்டுப் பிரஜையும் பிரான்சில் வசித்து வந்த தீவிரவாதிகளின் முக்கியஸ்தர் ஒருவரை நேற்று இரவு மொராக்கோ சர்வதேச விமானநிலையத்தில் வைத்து மொராக்கோ அதிரடிப்படையினர் கைது செய்துள்ளனர்.

கைது செய்யப்பட்ட நபர் சில ஆண்டுகளுக்கு முன்பு தீவிரவாதிகளின் தளபதியாக இருந்துள்ளார் , அத்துடன் இவர் பிரான்ஸ் நாட்டுப் பெண் ஒருவரை திருமணம் செய்தது பிரான்சில் வசித்து வந்துள்ளார்

இவருக்கு இரண்டு பிள்ளைகளும் இருக்கின்றனர்.

இவரை சில மாதங்களுக்கு முன்னதாக பிரான்ஸ் புலனாய்வுப் பிரிவினர் விசாரணைகள் செய்துள்ளனர், எனினும் தமக்கும் தீவிரவாதிகளுக்கும் தொடர்பில்லை எனக் கூறி விசாரணைகளில் இருந்து தப்பியுள்ளார்

எனினும் பிரான்ஸ் புலனாய்வுப் பிரிவினர் இவரை கண்காணித்து வந்துள்ளனர்.

அண்மையில் இவர் மொராக்கோவுக்கு சென்று அங்கிருந்து துருக்கி சென்று ஐஸ் தீவிரவாதிகளுடன் இணைய திட்டமிடுள்ளார்.

இத்தகவலை  அறிந்த மொராக்கோ புலனாய்வுத்துறை  இவரை விமான நிலையத்தில் வைத்து கைது செய்து விசாரணை மேற்கொண்டு வருகின்றனர்.

பொருளாதாரத்திற்கான நோபல் பரிசு

பொருளாதாரத்திற்கான நோபல் பரிசை நோபல் பரிசு ஆணையம் அறிவித்துள்ளது.

பிரான்ஸ் நாட்டைச் சேர்ந்த ஜீன் திரோல் இந்த ஆண்டிற்கான பொருதாரத் துறைக்கான நோபல் பரிசிற்காக தேர்ந்தெடுக்கப்பட்டுள்ளார்.

இவர் பொருளாதரத்திற்கான பேராசிரியர் ஆவார்.

பிரான்சில் வதிவிட அனுமதி இல்லாதவர்களுக்கான அறிவித்தல்

பிரான்ஸ் அரசாங்கம் உரிய அனுமதியின்றி தனது நாட்டில் தங்கியிருப்பவர்களை வெளியேற்றுவதற்காக எதிர்வரும் 13.10.2014 ம் திகதியில் இருந்து 26.10.2014 வரை சோதனை நடவடிக்கை ஒன்றை மேற்கொள்ளத் தீர்மானித்திருக்கிறது.
இதற்கென 18ஆயிரம் காவல்துறையினர் சேவையில் ஈடுபடுத்தப்படவுள்ளனர்.
அகதி தஞ்;சக் கோரிக்கை நிராகரிக்கப்பட்ட தமிழர்கள்
Gare de Nord
Gare de l’ Est
Gare de Lyon
Chateau Rouge
Barbés
Gallieni
Airoporte Charles de Galle
ஆகிய இடங்களுக்கு இந்த திகதியில் அநாவசியமாக செல்வதை தவிர்க்கவும்.


உங்கள் நண்பர்கள் உறவினர்கள் தங்குமிட அனுமதி இல்லாமல் இருந்தால் அவர்களுக்கும்  தெரியப்படுத்துங்கள்.

facebook 
https://www.facebook.com/pages/Lankanncom/715266548492626

இலங்கை அரசின் அடுத்த குறி- புலம்பெயர் தமிழ் மக்கள்?

புலம்பெயர்ந்து வாழும் தமிழ் மக்களில் புலிகளுக்கு ஆதரவானோர் பட்டியலை தேர்தலுக்கு முன்னராக வெளியிட அரசு முடிவு செய்துள்ளதாக தகவல்கள் கசிந்துள்ளன.

ஏற்கனவே வெளியிடப்பட்ட பயங்கரவாதப் பட்டியலில் பல புலம்பெயர் தமிழர்கள் உள்ளடக்கப் பட்டிருந்தனர்.

இவர்களில் விடுதலைப் புலிகளுடன் தொடர்பில்லாதவர்கள் தொலைபேசி மூலம் தம்மை தொடர்பு கொண்டு கதைத்தால் அவர்களின் பெயரை பயங்கரவாதப் பட்டியலில் இருந்து நீக்குவதாக இலங்கை அரசு செய்தியை வெளியிட்டது.

இதை நம்பி பல ஐரோப்பா வாழ் தமிழ் மக்கள் இலங்கை அரசுடன் நேரடியாக தொடர்புகொண்டு தமது பெயரை நீக்குமாறு கேட்டுக் கொண்டனர்.

இதையடுத்து பலரின் பெயர்கள் பட்டியலில் இருந்து நீக்கப்பட்டிருந்தது.

இதன் ரகசியமும் தற்போது வெளியே வந்துள்ளது


தொலைபேசியில் தொடர்பு கொண்டோர் விபரங்களை சேமித்து வைத்த பாதுகாப்பு அமைச்சு , அவர்கள் இலங்கை வந்தால் விமான நிலையத்தில் வைத்து கைது செய்யவும் ஏற்பாடு செய்யப்பட்டுள்ளது

அத்துடன் பயங்கரவாதப் பட்டியலில் உள்ளவர்களின்  இலங்கையில் உள்ள  உறவினர்களையும் புலனாய்வு பிரிவினர் கண்காணித்து வருகின்றனர்.


அண்மையில் பாதுகாப்பு அமைச்சினால் வெளியிடப்பட்ட புலம்பெயர் நாடுகளில் புலிகளுடன் நேரடித் தொடர்பில் உள்ளவர்களின் தரப்படுத்தல்.

தமிழீழ விடுதலை புலிகள் அமைப்பு 2009 க்கு முன்னர்





புலம் பெயர் தமிழர்களினதும் புலிகளின் சார்பு அமைப்புக்களினதும் பரப்பு


புலிகளின் வெளிநாட்டு விரிவாக்க முறைமை


புலிகளின் சர்வதேச வலையமைப்பு




நாடு கடந்த தமிழீழ அரசு


நெடியவனின் குழு


வினாயகம் குழு




உலக தமிழர் பேரவை





















2005 இல் ஆவுஸ்திரேலிய பிரஜா உரிமை பெற்ற தமிழ் இளைர்களுக்கான பயிற்சி















இந்த தகவல்கள் பாதுக்கப்பு அமைச்சினால்  சேகரிக்கப்பட்டு வெளியிடப்பட்ட தரவுகள் 





 
Support : Creating Website | Johny Template | Mas Template
Copyright © 2011. tamiltvshows - All Rights Reserved
Template Created by Creating Website Published by Mas Template
Proudly powered by Free Blogger Template